عايش لحالى وحيد
سارح فى ملكوتى
هفضل لوحدى بعيد
لحد يوم موتى
ناسى انى انا منكو
مش عايز اقابلكو
ومش هكلمكم ولا
تسمعو صوتى
مبقتش لاقى حبيب
ولا حد ويايا
فهكون لنفسى طبيب
وامشى على دوايا
واستحليتو قرفكو
ف هسيبكو على كيفكو
واعيشها بهوايا
عاوز اقدم اضافة
انا مش مكتب صرافة
هتقلبونى
بينى وبينكم مسافة
اصلا مش وش نضافة
ف ودعونى
هقطع علاقتى بيكو
ياللى الصفار ماليكو
وبتحسدونى
هفضل عالى عليكو
وبحلو فى عنيكو
وتقلدونى
مع نفسى انا برتاح
ياناس يا غداره
وقربكو خسارة
نعاملكو بالحسنة
وتاكلو فى فلوسنا
ونشيلكو فوق راسنا
وتبيعو بشطارة
قابلت خلق كتير
ولا شوفت اشباهكو
كارهين لغيركو الخير
وشيطان موجهكو
غل وحسد وسواد
انتم بشر اوباش
ولكل ندل ميعاد
وانا جاى بنهيكو
خايف عليكم منى
علشان راكبنى جنى
مبينصرفشى
مبيشغلنيش لانى
بطل من صغر سنى
ومبعتمدشى
حافظ كلامكو عنى
دايما بتقولو انى
مغرور شوية
فا هصحح معلوماتكو
عايزنى اهين كرامتكو
لا من عنيا
