أنا يصعب عليا الغالى، الغالي
بس إنتوا اساسكوا رخاص
هبيعكم بسعر تجارى
هبيعكم بسعر تجارى
تعالوا شوفوا عرضى الخاص
بسعر السوق أنا هبيعكم بكل هدوء
ولازم ليكوا اصحي وافوق
ومش هسكت على حقى لاى مخلوق
هبيع تقسيط وهعرضكم بسعر بسيط
عملت عالخاين تخفيض
ما هو اللى شارى امثالكم ده يبقى عبيط
بلا عشرة وحب، بلا وجع قلب
خلصنا وقفلوا عالسيرة
يا اخوات بالكدب اركنوا
على جنب خدولكم هدنة من الغيرة
كنتو بتلمعوا زغللتوا عنيا
ببص لقيتكوا دهب عيرة
مش باقى عليكوا ضحيت بيكوا
وبعلق ارخص تسعيرة
بشترى بالغلا فى بضاعة تلفانة
كل اللى كسبتوا بيخسرنى
كنت بحبكوا يوم ما احتجتكوا
ولا واحد فيكم عبرنى
العين بالعين ده انتم بايعين
إيه اللى عليكم يجبرنى
أنا قدرتكوا ياما كبرتكوا
ومحدش منكم كبرنى
ياعم بلاش تحط السعر بيع ببلاش
وما تدوقش دولت اوباش
وجتلك الفرصة يتباعوا فامتسبهاش
عملت عروض تعالى وبص عالمعروض
هتاخد ندل وعليه حقود
وماتدورش عالطيب ده مش موجود
من غير تكلفة بالهنا والشفا
العيش والملح اللى اتاكل
وياريت تقلعوا لبس الجدعنة
مش حلو عليكوا مش واكل
قايلين مساكين، دا إنتم تعابين
والطيب منكم يتاكل
بلعن جدعنتى، كرهت شهامتى
تعبت وعملالى مشاكل
بعمل خصومات فى التصفيات
وبدور على حد شاريكوا
خاينين للبيع والسعر فظيع
ومحدش راضى يدفع فيكوا
وعملت اللى عليا معاكم
وياريتكوا عملتوا اللى عليكوا
بعتونى ومش عارف ابيعكوا
فا هضحى وهتبرع بيكوا
عملت عروض هتاخد ندل وعليه حقود
تعالى وبص عالمعروض
بسعر السوق أنا هبيعكم بكل هدوء
ولازم ليكوا هصحى وافوق
ومش هسكت على حقى لاى مخلوق
