انا من زمان وانا شايل جوه قلبي جراااح
من ناااس أساتذة في الوجع يارب نفسي ارتاح
من غير تحوير ولا رغي كتير انا بحر الخير واللي شايلكوا
وشمال ويمين هتعيشوا علي مين ما تشوفوا انا فين وتشوفوا حالكوا
انا حب الناس هو اللي اساس بتشال علي الراس اسمي معلم
مش همي فلوس وبعدي وادوس
انا بدي دروس خش اتعلم
انا هامشي من طريق وانتم تمشوا من طريق
مش لاقيكوا وقت الضيق انا مش عايزكوا
وقت اللعب اهلا بيكم ووقت الجد مش بلاقيكوا
كنت بربي واعلم فيكم انا اكبركوا
في المصالح موجودين في الظروف
مش متشافين نص كم ومكشوفين روحوا لحالكوا
انتوا فيا تروحوا فين مني دايما محروقين
ليه معايا مركزين دوغري شاغلكوا.
وانا كل ما اعمل خير معاكوا تطلعوا اندال
رجالة اسما في الورق انتوا بصراحه عيال
ناس كسر وميح ما بلاش تفتيح
والله صحيح نافق تكسب
مين فيكوا أصيل وفاكرلي جميل دا حسابكوا تقيل
لازم هكسب
ميت كيلو كلام والفعل جرام
بينا الايام حقي وهاخده
وشكوا مكشوف ولا اي كسوف
مني المصروف كنتوا بتاخدو
اللي جاي هيكون تقيل مين يسد ومين يشيل
الكبير فيكم عويل وملوش عوزه
مش هقول هعمل خلاص
انتوا ناس ملكوش اساس
يعني مش غاليين رخاص ناس مهزوزه
هي كلمه ف الصميم الكلام طبع الحريم
مش هفتح ف القديم عادي هكبر
انتوا اتخنكم بكام يلا بقي من غير سلام
احنا خلصنا الكلام مش هنكتر
