مش عايز أكون إنسان عادي وعايش وخلاص
أنا عايز أعيش رافع راسي وانا في وسط الناس
وعينيا تكون على أحلامي
وطريقي ده واضح قدامي
مش بس بعد في أيامي
من غير إحساس
أصل أنا بني آدم مش طماع
وماحبش أعيشها ضياع في ضياع
وكلام الناس لو هعمل بيه
لازم يكون عن اقتناع
مش عايز أكون بس بقلد من غير تفكير
أنا عايز أكون إيد بتشاور على حلم كبير
وبخطي الخطوة وانا حاسبها
مش ماشي مغمض وسايبها
أحلامي دي هاوصل وأجيبها
وعشانها هاطير
