يا واخد ترند الجمال
واجمل جميل في الجمال
تعالى وشقر وراعي وقدر
بانك عاملي احتلال
بقولها بصريح العباره
بحبك وعندي الاماره
مذاكرك ودارسة وفاهمك وحسك
ومستني منك اشاره
عامل فورتينه
رجرجت الدنيا علينا
خدت اللقطه فرصه لقطه
جبت رجلي في ثانيه
احجزلي في قلبك مطرح
انا كل ما اشوفك بفرح
حياتي علشانك وقلبي مكانك
مش عايز حاجه تانيه.
بتعلى برتم حلاوتك
مهكر كياني بشقاوتك
بشكل مفاجيء لقيت روحي عاشق
وزايده في قلبي غلاوتك
بتكتك ومش لاقي ملكه
فمن فضلك افتحلي سكه
ومن غير مبالغه وكبر ومراوغة
قلبي فاضله تكه
