لما يبقى الجرح في الايام دي عادة
واما يبقى الغدر ولا القسوة عادة
يبقى لازم اعيد حياتي واعيشها تاني
بس همسح كل واحد خاني منهم في الاعادة
لما كسرة قلبي تبقى م اللي دايما بقوى بيهم
لما فجأة اتباع من اللي عشت احوش واشتريهم
خلوا دمعة عيني فرجة للي يتفرج عليهم
لما اعيش طول عمري اضحي واتئذي ويتضحى بيا
وابقى شايلة خير في قلبي وفي قلوبهم شر ليا
عشت اعلمهم حناني ومنهم اتعلم عليا
اللي راحوا يا قلبي راحوا هو ايه يعني الجديد
هو حال الدنيا هو انت فاهم ولا اعيد
اللي راحوا يا قلبي راحوا هو ايه يعني الجديد
هو حال الدنيا هو انت فاهم ولا اعيد
ايه اللي عمله الحب لينا
دة اللي مالهوش قلب فينا هو دة اللي يعيش سعيد
لما اعاشر خلق فاكرة ان جرح القلب عشرة
وافتكرهم ماس ويطلع لون بيلمع تحته قشرة
ياما ناس ضحكت في وشي بس طعم الضحكة كشرة
اه واللي راحوا يا قلبي راحوا هو ايه يعني الجديد
هو حال الدنيا هو انت فاهم ولا اعيد
ايه اللي عمله الحب لينا
دة اللي مالهوش قلب فينا هو دة اللي يعيش سعيد
