ساعه ابكي و ساعه يبكي عليا حالي
كِتفي الشِمال الحُزن وَاكِل فيه
الحُزن داء و وباء ينهَش فـِ لحَم الحَي
سِدوا شُقوق الضَي
رُدوا الأمَل لو جَي
بطل سَذاجة وعيد مواقفك من جديد
كُل اللي فات كان إثبتات إنك وحيد
قوم وعافر شيل مشاكلك .. ضحكتَك بتحلي شكلك
كون اسد على اي واحد .. جيت ف باله وحب ياكلك
........................................................
مش هامنك يوم عليا كل حاجه بتجري فيا
ليكوا انتوا يد فيها فين باقيها وفين فلان!
الي قولت عليه زمان هو بااقي راح وساب
بواقي فيا بيوجعوني
ليه سابوني وليه بحن
.........................................................
ليه حابسهم جوه فيلم
ورافض اوصل للنهايه
100 حكايه دخلت فيها وكل مره بخسر اكتر
ليه سرحان وليه بفكر في الي فات وفي الي راح
مش هتنجح مش هتفضل مش هتبقي حد صالح
هيراضوك تمشي المصالح كله وقت وكله رايح
كله سايب 100 علامه يلا غورا بالسلامه
ليه امنت من البدايه ؟
وليه رفضت اني اصدق ان لكل وسيله غايه
100 حكايه و100 طريقه بفتكرهم في الدقيقه
واني مهما كتير هربت راح اواجه الحقيقه
بسعي اني اشوف طريقه اظهر فيها باني ناسي
ليه هقاسي الدنيا واحدي واعيش حزين
قولتوا ليه ان انتوا جمبي وانتوا اصلا حيط ومايل
كلهم هيغيبوا عنك رغم كوم من الجمايل
كلهم هينسوا انك كنت في يوم امين وشايل
.......................................................
مش مسامح حد فيكوا كلكوا خطاويكي واحده
اخره الطريق ده وحده هي رحله يوم بتحلي
ويوم بتقسي اوعي تنسي ده كان قرارك باختيارك
ده جرالك وانت قابل يبقي تصمد من سكات
حيطي مايل حيلي إيل يجي الليل بشتاق بموت
كله كمل قال يشوف اخره الطريق ده ايه
عن كل شئ بيوجعك اي يمنعك انك تبوح
وهبوح لمين كلو سابني مرمي واهو تعبان وحزين
...............................................................
كان كمين وانا من غبائي كنت بصدق
ضليت معاكوا المبدا والحكايه اهي بتخلص
وانا لسه بتعلم وبتألم واقول هتعدي وتسلم ومبتجيش
نسيتي ولا مبتحنيش.. هعيش
هعيش هلاقي الذنيا احلي او هتحلي
او هتبقي برضو هي هي رحله يوم هتقسي ويوم هتحلي
