عارف لما تحس انك مجبر تعمل حاجة ما حبتهاش
صدقني حقيقي بالنسبالي حبك ده ماجاش
كان اكتر حاجة بجد ماحستهاش
راحتي لاقيتها ف بعدك عني وقصاد راحتي انت ما تسواش
كان نفسي تكون نظرة وعدت ما تعرفناش
وليالي كتير علشانك ما سهرناش
وانا مش ندمان على وقت زمان
ضيعته معاك ف حاجات انا ما لقتهاش
ما انا الغلطان وغلطت عشان
فكرت حياتي معاك ممكن تتعاش
كان دمه تقيل حبك تمثيل
واريح حاجة ان انا وانت ماكملناش
م الأول بان لفراقنا أوان
ويا قلبي عملنا كتير وما قصرناش
عمري ما فكرت اتكلم عنك زي ما روحت انت وحكيت
ولا مرة ف يوم جبت ف سيرتك ولا روحت شكيت
ولا بتمسكن ع الناس زيك وبكيت
قربك مني حاجة بتقفلني وبحس اني بقيت مخنوق
لو فاكر يوم عادي هرجعلك من وهمك فوق
دوقت الغلب وجه الوقت ان انت تدوق
قصة وخلصت مش مستاهلة
من ذاكرتي تمسحت ساهلة
مش صفحة قفلتها
ده الصفحة حرقتها
حدوتة اتعكست نهايتها
ما حبتش فيها غير قفلتها
عشان لما بعدنا
البعد اللي نجدنا
وانا مش ندمان على وقت زمان
ضيعته معاك ف حاجات انا ما لقتهاش
ما انا الغلطان وغلطت عشان
فكرت حياتي معاك ممكن تتعاش
كان دمه تقيل حبك تمثيل
واريح حاجة ان انا وانت ماكملناش
م الأول بان لفراقنا أوان
ويا قلبي عملنا كتير وما قصرناش
