كان ما تعرف أنا من أكون ؟!
أنا شمس الليل .. و عتمات النهار
كيف أنا أعشق و كيف الحب يكون ؟!
أنا رمز .. و عمري ما أخضع لإنكسار
دنيتي حلوة ، جميلة بألف لون
طاير بدنياي .. ولا أحب الانتظار
ماشي بكيفي و أنا كيفي يمون
لا يوقفني : مواني .. و لا مطار
في غرامي ذاب عشاق الجنون
والمسافر لا ركب .. آخر قطار
أنا رمز .. و " عزتي " لا ما تهون
دايم أستمتع .. بطعم الإنتصار
في منامي سير الصدر الحنون
و المهاجر لا كسر .. أصعب مسار
أنا حلمي : الحب اللي ما يخون
لا فلك كونك .. يحده و لا مدار
إنت ما تسوى عليك تبكي العيون
إنت طير أطعمته .. من إيدي وطار
أنا اللي حبيته تخيل من يكون
خاطره يسواك .. والله الوقت دار
