بعض الناس و شفيهم .. .. لهم كم يوم يتغلون

نجيهم ما نلاقيهم .. .. و نكلمهم ولا يردون

عسى الله بس يهديهم .. .. يحسوا فينا و يحنون

ما نقدر ابد فيهم .. .. وهم فينا قدروا وشلون

قضينا عمرنا نداري .. .. هواهم قصدنا نرتاح

مشوا عنا وش الطاري .. .. نهايتها الم و جراح

ولا همتهم اخباري .. .. ولا دمعٍ عليهم طاح

نسوا عنواني و داري .. .. وكل اللي معاهم راح

نحب و نخلص النيه .. .. ولا منّا حصل تقصير

علينا استكثروا الجيه .. .. بلا سبه ولا تبرير

خذينا بالصدر كيّه .. .. ولا حصلنا اي تقدير

ربانا هذا تاليّه .. .. آخرته نصيب الغير