سكت كتير ع الوضع دا مش هعرف افضل ساكت
كل واحد خد قراره بنضحك على نفسنا م الاخر
اتعودتي عالحياة من غيري و انا بردو اتعودت
لما قلتيلي نسيب بعض ماعرفتش اقول ايه سكت
باعمل فيها جامد قدامك و انا من جوا اتهزيت
كل اللي بافكر فيه دلوقتي ازاي نحافظ ع البيت
اللي احنا بنيناه سوا و اللي عشانه اتخليت
عن حاجات كتير بس م الوضع دا مليت
بقى لنا كتير في مشاكل و الفترة دي شكلها هتطول
مابقاش عندي نفس الطاقة و لا الاحساس اللي في الاول
مش هقدر علي بعدك مش عارف هاعمل ايه من بعدك
بس كل ماتعندي انا هافضل انا كمان اعند
المسافة اللي ما بيننا بتزيد زي الاسئلة اللي في دماغي
هل انت باقية على زي ما انا عليكي باقي
هل الوضع دا هيتغير واللا الوضع دا نهائي
هل هي دي البداية للنهاية
خلاص مش قادرة تبقي معايا
مش قادرة تشوفي نص الكباية المليان
هو خلاص الاسود غطا على كل الألوان
تفتكري نقدر نرجع زي ايام زمان
بعدنا عن بعض لحد ما اتغيرنا
هنعرف نغيره واللا هو دا قدرنا
في فرصة تانية قدامنا واللا احنا اتأخرنا
في خطوة نخطيها واللا دي نهاية مشوارنا
اتأسفت ع الحاجات اللي عملتها
كل مرة بتقولي لي مافيش داعي للأسف
فكرتي كتير تسيبني كافية الفكرة دي لوحدها
انها تخليني اتغير للأبد
الوقت اتسرق
الحب بقى كلام عالورق
مش مهم ايه اللي اتقال ماحدش فينا صدق
ماحدش طالع كسبان عشان هو دا مش سبق
الايام بتجري بينا
و الموضوع بيخرج من ايدينا
اكتر حاجة ندمان عليها ان انا سبب القلق
كل كلامي بالنسبة لك بقى هالك في هالك
مشاعري مش واصلة لك و كل اللي في بالك اني انا السبب
اول مرة احس ان الحياة مش سهلة
اول مرة اشوف كل حد فينا في ناحية
كنت زمان باعد الوقت اللي احنا فيه بعاد بالثانيه
دلوقتي الوضع اتغير بقت حياتنا حاجة تانية
بلاش نهد اللي اتبنا في سنين في ثانية
بعدنا عن بعض لحد ما اتغيرنا
هنعرف نغيره واللا هو دا قدرنا
في فرصة تانية قدامنا واللا احنا اتأخرنا
في خطوة نخطيها واللا دي نهاية مشوارنا
بعدنا عن بعض لحد ما اتغيرنا
هنعرف نغيره واللا هو دا قدرنا
في فرصة تانية قدامنا واللا احنا اتأخرنا
في خطوة نخطيها واللا دي نهاية مشوارنا
