ايه يا جماعه سنه على ما نتجمع ولا ايه ؟
ما انتوا عارفين بقى الدنيا و مشاغلها
طب يلا بينا نقعد
يلا
يلا
انا مبسوط ان احنا اخيراً
اتجمعنا في قعده واحده
احلى صحاب و لمه
و احلى حبيبه و احلى واحده
تعالوا نفصل حبه عن العالم
و مشاكله الباهته
نلعب لعبة الصراحه ؟
انا موافقه دي فكره جامده
بس بشرط محدش يكدب
كله يتكلم بجد
كله هيقول الصراحه
دي حاجه مش هتزعل حد
لف الدور و جه عليا
بصيتلها و قولت اسألها
عمرك مره كدبتي عليا ؟
كله يسكت انا هجاوبك
كدبت طبعاً
محبتكش دي بتخونك مع صاحبك
و انا مرضهاش على نفسي
فـ كان لازم دلوقتي اصارحك
و ليه هنروح بعيد ؟
ما هو قاعد دلوقتي جمبك
كلنا عارفين بس انا مش هقبل
افضل شايله ذنبك
ما بتكدب كل مره
و انت بطيبتك بتصدقها
و انت صعبت عليا
ميرضينيش اني افضل ساكته
فوق لنفسك
و ازعل بس على حد يستاهلك
حتى لو هتكون لوحدك
احسنلك ما تكون مُستهلك
سكت يعني انت زعلت ولا ايه ؟
هي الصراحه تزعل ؟
يلا بينا نكمل لعب
و انا مش فارقلي عادي
ما كل حياتي كدب في كدب
هي كدبت ؟
ما عادي يعني كلنا كدابين
و اديني كمان كدبت
و قولت " مش فارقلي " و انا حزين
زمان قولتلك اني هنورلك دنيتك
و انا حياتي بتنور بس
بمجرد ما بشوف ضحكتك
باظت لعبتك و خلاص اتكشفت كدبتك
هونت عليكي تخدعيني
بس مهونتش على صاحبتك
عندي سؤال انا اسف
عارف انا اسئلتي كتير
هو انتي محبتينيش
عشان عليكي انا كنت بغير ؟
ولا اكمني يعني مش وسيم
و شكلي مش جميل ؟
لما قولتي بحبك
كانت كدبة ديسمبر مش ابريل
عرفيني
ليه فضلتي جمبي و انتي مش حباني ؟
مفيش شئ اسمه حب
كان كداب نزار قباني
انا ايه اللي جابني
لـ واحده اصلاً من البدايه بايعاني ؟
كله يكمل كدب يلا
انا ولا هسأل ولا هلعب تاني
ياريتني ما كنت روحت
ياريتني ما كنت قعدت معاهم اصلاً من الاول
