الاحزان مبتنتهيش و كل الزعل احتل قلبي
فيه حاجات مبتتحكيش و كل يوم بتزود تعبي
كنت بفرحها و قلبي بيفضى من الاحزان فـ تعّبي
مكانش هيحصل كل ده لو كنت بعرف اخبي
غاوي و ما اتغويت ولا اتحبيت مع اني فيها عشقت
كتير بكيت انا اتنسيت مع اني ياما عشانها عيشت
انا اترميت و ليها مشيت طريق لقيت نهايته حزنت
لفيت على كل بيت و اتسابت حزين ولا بيّنت
موعود بالحزن اتسابت لوحدي ابكي في ركن
اتخانت اتباعت انا من الكل ضحكت و قولت " انا زي الفل "
و الدنيا بايظه .. بايظه بجد مش بترول
فضلت ارُل المُر و اشرب و اضرب منساش بالكحول
فوق يا دهول .. سابوك حزين و ضحكوا عليك
زعلان على ايه ؟ .. ده محدش همه دمع عينيك
اخر كلامي متصدقش عشان متترميش
انا شوفت احزان كتير و الاحزان مبتنتهيش
يعز عليا اشوفك من بعيد لبعيد ..
تفكيري هلك عقلي في كل الذكريات بيعيد
فضلت اسأل عليكي يمين شمال .. مفيش جديد
ساعتها قلبي قاللي " خلاص يا چون هتعيش وحيد "
كانت سحله .. كل واحد فينا راح في ناحيه
قولتي " ماشيه " قولت " في داهيه " خيانتك ليا جابت الناهيه
و اخرتها بقى لو شوفتك صدفه .. اعمل من بنها
اقولك نكته تضحك ؟ .. اللي خانتني معاه دلوقتي خانها
شربت سكرت فـ توهت رجعت حزين انا كما كنت
انا صونت الحب و عمري ما خونت باعت قلبي بـ رُخص فـ فوقت
انا شوفت البعد بيشاورلي من بعيد و ضحكلي
و الجرح في قلبي زي النار القايده فيا بتكوي
فوقت و قولت " تمام " بس تمام انا بالحشيش
شوفتك في الدخان فـ حضنتك و اترجيتك متسيبينيش
الزعل زاد في قلبي لدرجة اني بيه بعيش
اقولك حاجه يا زميلي .. الاحزان مبتنتهيش
حزنت الف مره قولولي امتى اكون سعيد ؟
عن وجع قلبي لما شوفتك جنبه من بعيد
و متخافيش .. ادمنت الحزن بقيت عليه بعيش
حكيتلك اللي فيا ببص جنبي ملقيتكيش
و مكانتش شطاره تكوني غداره الحب تجاره
ودي الإثاره الفرح ملوش إشاره .. دنيا و دواره
كنتي شيطانه .. مشاعري دلوقتي بقت خربانه
متقوليش " انا لسا بحبك " الكلمه دي بقت حمضانه
صبرت و لسا منولتش اتوجعت و اديني مقولتش
حلمت و برضوا مطولتش حبيت قالت " مصونتش "
الحزن بينكُش .. كنتي سالكه لا مظُنش
هحكيلك اللي فيا ماشي .. بس انت متترولش
مش حلوه اني افضل احكي عنك و انتي متعرفيش
عايز تعيش مكاني تعالى بس متجليش
ده انا وجع قلبي كافر انت ازاي محزنتليش ؟
50 تراك قليل دي الاحزان مبتنتهيش
كلهم .. خلصوا كلامهم و سمعتهم
و وقت ما جيت عشان احكي اللي مزعلني ضحكتهم
اخترتها من وسط الكل و قولت " لا دي مش زيهم "
و صح طلعت مش زيهم كانت اوسخ منهم
حزنت و جت تـ هئ .. اشتاق لمين ما تفوق يا شق
لو بتدور على قلبك هتلاقيه عند البربئ
ولا هحن ولا هرِق بسببك كان هيطقلي عِرق
ملعون ابوه العشق اللي يخلي الراجل علق
انا حالي مسرّش حد ولا حبيب ولا حتى عدو ..
مشوفتش منك اي حلو
كل اللي وطّى علشان حُرمه اترقع على قفاه زريبو
قلبي كان مليان سعاده ازاي دلوقتي اصبح هِو ؟
بالرغم ان انا " بياع كئابه " ضحكت مضحكتليش
عرفت ناس كدابه و ناس بتبيع عشان حشيش
" دساس " و دوست عـ اللي داس عليا و مرحمنيش
طول ما انا موجود هحكي اللي في قلبك و الاحزان مبتنتهيش
