كل الاحزان دي متعيبنيش
انا اللي تعبت نفسي و كان بـ يدي متعبنيش
اديكي عايشه بعدي و من بعدك مش عارف اعيش
طالما انا اتحب فعلاً انتي ليه محبتينيش ؟
غيبتك طالت
دموعي غصب عني سالت
عيارك فالت لما حاولت اعدلك الكفه مالت
نكدي محدش يتمناني عندك حق في كل حاجه اتقالت
فتحت شاتك اقول " واحشاني " لقيت الصوره اتشالت
خلصت على بلوكات بـ هدوء و من سكات
كنت داخل البيت من بابه و اتقفل 3 تكات
و عشان بحبك انتي بقيت اكره كل البنات
زعلي ان احنا بعدنا ميتوصفش مهما اكتب تراكات
كنت اتخيل اي حاجه تحصل الا بُعدك مستحيل
دبلت في قلبي اي فرحه من يوم الرحيل
و اديني بميل
و الحمل عليا تقيل
يا عم انا راضي اكون وحيد احسن ما اكون بديل
كل الكلام اتكتب .. قلبي بيعلمني الادب
عملت ليكي العجب في الاخر ياريته عجب
كل الايام متعاده و التعب بيجر تعب
ملقيتش ليكي اجابه لما سألتك ايه السبب ؟
مش كان زماننا سوا ؟
ده انا كنت شايفك دوا
قلبي اتفحم و اتشوى .. قطعت دراعي لما اتلوى
اروح لـ فين ما انا مكانش ليا غيرك سند ؟
قصرت في ايه و غلطت في ايه قوليلي ايه السبب ؟
كانت صدمه اني اشتريكي بـ غالي و بالرخيص اتباعت
كل ما ابعت اقولك " نرجع " اندم بعدها اني بعت
كله قال هنساكي بالوقت انا منسيتش ليه لـ دلوقت ؟
حاولت انساكي بـ حد فـ لما وعدني يفضل قاللي : وعد
مقدرش اقول " نسيت " .. حُضنك كان لـ قلبي بيت
هي الدنيا اسودت بعدك فعلاً ولا انا اتعميت ؟
انا اتنسيت
لكن ولا مره عليكي قسيت
كله قاللي " انت اللي غلطت عشان من الاول حبيت "
قلبك بِكِس
بيحب في غيري و معايا بيتوكس
لسا بقول هنساكي و انتكس
Lyrics اروح اطلع همي في
و في اعذار بفتكس
اشوفك بعدي اتغاظ و اتفرس
و الحزن في قلبي بيفترس
Netflix الحب ده في افلام
روحي اتكتفت .. تيجي سيرتك في الكلام بلتفت
مهما ابانلك عادي ميغركش انا كل يوم بتقتل
ولا حتى اتأسفت
غرقت و من بعدي اهي قدّفت
مشيت و انا خسرت حياتي فـ كده احنا المفروض نحتفل
كل الكلام اتكتب .. قلبي بيعلمني الادب
عملت ليكي العجب في الاخر ياريته عجب
كل الايام متعاده و التعب بيجر تعب
ملقيتش ليكي اجابه لما سألتك ايه السبب ؟
مش كان زماننا سوا ؟
ده انا كنت شايفك دوا
قلبي اتفحم و اتشوى .. قطعت دراعي لما اتلوى
اروح لـ فين ما انا مكانش ليا غيرك سند ؟
قصرت في ايه و غلطت في ايه قوليلي ايه السبب ؟
كلمها و قولها انك عايزها و محتاجلها
اكتم يلا .. هو انت بقى مشبعتش من البهدله ؟
اخر مره كلمتها قالتلك الموضوع اتقفل
يمكن المره دي يعني تجيب نتيجه و ارجعلها ؟
كل ده هبل .. انساها بقى الباب يفوّت جمل
ده انت الدساس يا جدع ولا يهزّك ريح يا جبل
يمكن كل ده حسد يمكن حد عملنا عمل ؟
ما كفاية اثارة جدل اهي مرتاحه و ولا الهوا
غرقت و كانت شطي
طلعت قابل للتخطي
اديك بردان من غيرها و هي قلبها بـ غيرك متغطي
لا محبتش بعدي .. يمكن كل ده اصلاً غلطي
طب ليه مرجعتلكش و على قلبك بتدوس و تخطي ؟
كل يوم دي حالتي عركه تدور بين قلبي و عقلي
و افضل انا في اوضتي و طفايتي جمبي ممليه بـ سجايري
و مفيش حل غير ترجعلي ساعتها بس هيخلص زعلي
حبكت يعني و انتي ماشيه تاخدي في ايدك كل مشاعري ؟
كل الكلام اتكتب .. قلبي بيعلمني الادب
عملت ليكي العجب في الاخر ياريته عجب
كل الايام متعاده و التعب بيجر تعب
ملقيتش ليكي اجابه لما سألتك ايه السبب ؟
مش كان زماننا سوا ؟
ده انا كنت شايفك دوا
قلبي اتفحم و اتشوى .. قطعت دراعي لما اتلوى
اروح لـ فين ما انا مكانش ليا غيرك سند ؟
قصرت في ايه و غلطت في ايه قوليلي ايه السبب ؟
