احزان بتصير افكار و بيجي معها ندم و اوزار

بعديها اقلام يقومو يثورو يقولو وك احنا احرار

اوراق مسطرة زي السجون مع كل سطر تحس ببار

اعمق من كل واحد قبله مع انه خلصت الأخبار

فش اشي متخبي على وجهه باين كل اللي كان مخفيه

عطشان و بحاول يكون حكاية بس ما في اي حدا يرويه

اصوات براسه عليت و علقت و لسا بتحاول توطيه

هو قارب غارق بمحيط و بصدره نار بتحاول تتطفيه

هي نفس الفيزيا اللي نحكى عنها من ايامه لبارتلبي

لانه عايش زي ما هو بده بس لسا فيه اللي مكفيه

اكل الورق اعتزل الناس و لذنوبه بلش تكفير

وجعه راسه من الهموم و النوستالجيا و كثر التفكير

افهمي يا بنتي لما يقولك انه مش مبسوط

مش معناه انه زيه زي هالعالم ماشي عالمفروض

لانه خياله اوسع من مجرة و ما برضى ينربط بقيود

و اسمعي الفيرس الجاي حتى تفهمي انه ما عنده اي حدود

Adhd بعرفش كيف اقعد

ocd و ما بقعد لأزبط

cv شغال و تراكاتي على ال

gg خاتملكو اللعبة فا يلا

حديد انا قلبي صعب كسري

سألتني شوفي فحكيت شوفي

حوليك فش غيري صفيت لوحدي

عايش مع انه في نقص دوبامين

ووجع الراس ما يفيده كودين

ماكينة رايمات لانه في تمكين

متمكن لانه في امكانية اهز السين

نجم بسطع وانتو متأكدين

عارفين انا مين اسمي نور الدين

و هالجملة نكتبت من عشر سنين

بس ما فاد لانه الوقت بيمر و انت لسا حزين

بعرفش غير احكي الصدق مع انه نص اللي بحكيه كذب

و انت مش زيي تفكرش فش غيري بشبه حالي مع اني نفسي بختلف عن نفسي و انا بعترف انه بكل مكان الناس رح تضل تختلف فيها العاطل و فيها الهامل

فا عشان هيك قررت اني انصرف لانه البشر ما بتعاملو مع الناس الزينا الا على انهم سلع

فا احسنلك اطلع لانه كم من واحد كان منيح زيك و فجأة لسع

و كم من واحد قام و حكى بالسياسة و فجأة بلع

و كم من واحد قال قرفت فا **** البلد

و فجأة وقع لانه سعر الحياة ارتفع

طب سيبينا انا واياكي هينا واقفين مع بعض

لما احكي بحبك تاخديهاش لانها طلعت بالغلط

لاني بحكي الصدق حتى و انا بكذب مش فاهم ام المرض

ضايل اكم من كلمة و انا عم بكتب بس الورق بطل يتحمل افكاري خلص