غمضت عيوني لأستحدث فيها دموع
ما عادت تبكي شافت من الموت ألوف
ولساتها صغيرة بعمر الورود
وعيت على الدنيا وقدامها بس في فرود
ما عادت تحزن والخوف ما عاد يأثر
ناس حوليها بتبكي وهي مش قادرة تعبر
ضلك طفلة بعالم ما عرف غير السكوت
ضلك طفلة بعالم ما عرف غير الموت
ما عم بكذب عليك اذا قلت الاحساس مات
مش بايع الانسانية بس غرقنا بالدم عاد
وكل ما ييجي خبر بتزيد بس ارقام
لما يصير جسمك رقم على شريط بهالنشرة بينعاد
وقتيها بتعرف اني رح ابيع العالم برخيص
تلاقي الكرة الارضية بكراج بيتنا الصغير
مجمعة غبرة ... بس كل عينيها دموع
بتبكي على الانسانية الانباعت بس حديد
ضلك طفلة ضلك طفلة العالم نسيكي ولساتنا بغفلة
ضلك طفلة ضلك طفلة العالم نسي شو يعني نخوة
ضلك طفلة ضلك طفلة العالم نسيكي ولساتنا بغفلة
هشششششش...
قلبي ما صار حجر بس حجارة البيت تكسرت
تحتيها ميت شهيد ودموع وراء عيني انحسرت
مليون كف على نفس الخد ومن الصدمة مش قادر تحكي
بس تسمع كلماتي بتفكرني انا بس بغني
بس كلماتي طالعة من قلب كتير مخنوق
بكي على الانسانية و صوته بلش يروح
العسكري ما بهون عليه ناسه تموت
بس بقاتل بالحروب وابرياء بتموت
العالم مات الفساد ساد
بدي ابني دولة جديدة بدون هموم عاد
على كوكب جديد ما فيو بشر
مستعد اعيش فوق لحالي انا على القمر
بنعين رؤساء ليستغلو المناصب
بنرشي رجال الدين ليحللو اللي صاير
لا تحكي بالانسانة قتلتوها وهي طفلة
قاعدة جمب حنظلة عليكم بتنادي
ضلك طفلة ضلك طفلة العالم نسيكي ولساتنا بغفلة
هشششششش...
ضلك طفلة ضلك طفلة العالم نسيكي ولساتنا بغفلة
ضلك طفلة ضلك طفلة العالم نسي شو يعني نخوة
هشششششش...
هشششششش...
ضلك طفلة ضلك طفلة العالم نسيكي ولساتنا بغفلة
هشششششش...
