وأنا عارف إن أنا غيبت كتير حقك إنتِ تخافي أكيد
مش عارف الوم في مين، بس أنا إتولدت كبير
أكيد سكوتي كان ليه معنى، وعارف إن إنتِ حاسة
وحاسس إن أنا الحل أبويا يرجع من الغربة
وكان نفسي أكيد في تورتة، كان نفسي أكون في نادي
بس أبويا كان في الغربة وإحنا كننا معاكي
والمستوى كان في العادي، دلوقتي فوق العالي
دلوقتي بصرف ألف في ألف وخايف أقول بلساني
مع إني شايل نفسي وإنتِ عارفة إن أنا قدها
عايز أرجع البيت بس عايز أرجعه بدهب
عايز أحسن نفسي ولما أتهزت ثبتها
ولما أتحزن من هتأزم عشان
أكيد مش هنسى البيت
علمتيني أكون إنسان
بس أنا مش بنسى البيت
عندي حلم وببني في بيت
بس أنا من بدري جريت
ومش زي أنساكي أكيد
أنا يوم هرجع للبيت
ياما أنا عشت من سنة بس حسابي فيه المليون
آه، وشوفي في سناني كام مليون
ولسه، ولسه زي ما أنا لو قولتيلي الكلمة أعمل عكسها
وده مش القصد أكيد، القصد إن أنا قريب
عارف إن أنا غريب
زي ما عارف إن أنا وعيت
هل هتقوليلي لساني طويل ولا طولي بقيت كبير
خلاص بعمل ألبومي عشان بجد شوفت كتير
وإللي إتعملته في المدرسة مافادش في شارع بيتنا
شوفت ناس بتعض في بعض وشوفت ناس بتنهش
وناس بتجري ورا الزرق وناس بتكح وتنهج
فـ ياريت تصدقيني لما أقول إني مشغول عشان أكيد
أكيد مش هنسى البيت
علمتيني أكون إنسان
بس أنا مش بنسى البيت
عندي حلم وببني في بيت
بس أنا من بدري جريت
ومش زي أنساكي أكيد
أنا يوم هرجع للبيت
