عمنستنا الليل طويل
نفس المطر اللّي يسيل
ويغسل كل غلط عملناه
وكل شي غيّرنا
هالطريق رح نمشيه
(والدنيا بتشتي)
ما رح نخسر شي
(والدنيا بتشتي)
عمبكتب وبنهاية كل سطر بمزع اللي بحكيه
كل سطر بيحكي قصة ما بشبه اللّي تحتيه
متردد اكتب، وكل سؤال بتردد فيه
مش عارف هل أرجع أخلي الناس تسمع يلي بشكيه؟
ألف قصة و قصة، ألف جواب وجواب
لو إنك كاتب سطر عن الألم فأنا كاتب ألف كتاب
رح أقضي هالشتا بالغرفة بين جدرانها
بخوض كل حرب بعقلي بين سقفها وحيطانها
خليها عمتشتي سواد مع إنه السما ناشفة
بتعايش مع إحباطي ومع كل حرب فيني بالشة
قولتك من ورى هالسقف رح أشوف السما والنجوم؟
ويطلع ضو يوم جديد من الشمس ورى هالغيوم؟
ونترك كل شي ورانا ما نسأل كيف حيكون
وننسى هالحال ما حتفرق كيف ينتهي أو يدوم
خليها تشتي هموم، تشتي برة تغرقهم
بيتي في البوث بشكي للمايك مو محتاج أسمعهم
عمنستنا الليل طويل
نفس المطر اللّي يسيل
ويغسل كل غلط عملناه
وكل شي غيّرنا
هالطريق رح نمشيه
(والدنيا بتشتي)
ما رح نخسر شي
(والدنيا بتشتي)
رجع الشتا هذي السنة ورجع معاه جروح
وما عاد يهم غير البقا عادي يلي راح يروح
الدنيا بتشتي هذي السنة وكنت آمل شتاها خير
نفس الغيم ونفس البرَد بس هالمرة شتاها غير
غيمها محمّل بهموم وقول مكتوم
حمل الهم أكبر من حملي ومن الحمل قلمي إنكسر
نفس سريري ونفس الوِحدة، بغفى عصوت المطر
واقف بستنى والثوب البالي غرق من كثر ما إنتظر
بكتب والورق عجز يتحمل وسطوري شابت
والدموع دموع من حبر ودموع شمع من شمعة ذابت
لا تسألني ليش بحاول جاهد إني أرحل
لأنو الشتا هذي السنة خلاني أعرف إنه الوحدة أفضل
لا غريب ولا قريب منهم نفسي طابت
لأنو قرابي غابو زي ما الشمس بنهار الشتا غابت
خليها تشتي وتإذي والأذى بيشيل الأذى
خليها تشتي وتإذي وما تترك وراها حدا
عمنستنا الليل طويل
نفس المطر اللّي يسيل
ويغسل كل غلط عملناه
وكل شي غيّرنا
هالطريق رح نمشيه
(والدنيا بتشتي)
ما رح نخسر شي
(والدنيا بتشتي)
جو المطر يا ما مشيته
معقول هاذا الشتا ما حيكون المطر قد الدمع اللي بكيته
ماشي وحيد تحت المطر، عمبتخيل حد قريب مني ماشي جنبي غطاني بجاكيته
بحس بدفا، بفتح عيني على واقع زهق مني وإكتفى
كل سنة بيجيني الشتا أبرد، أو يمكن قلبي اللي صار أبرد
أو مش عارف مين فيهم اللي إختفى
مش عارف افتح صفحة مشطوبة
كل صفحة أثقل من صفحة كأني عمبقلب طوبة
عايش بينهم صفحاتي كأنهم جدارني
والأسطر بتناقض أسطر كأنو بالغلط مكتوبة
روتين سخيف وأسواطي ما بتبطل همس
بيكفي زهقت عايش حياتي بالأمس
فبفتح باب غرفتي وبطلع من بيتي
بلبس نظارتي وبطلع برّة عادي لأنو الدنيا شمس
عمنستنا الليل طويل
نفس المطر اللّي يسيل
ويغسل كل غلط عملناه
وكل شي غيّرنا
هالطريق رح نمشيه
(والدنيا بتشتي)
ما رح نخسر شي
(والدنيا بتشتي)
عمنستنا الليل طويل
نفس المطر اللّي يسيل
ويغسل كل غلط عملناه
وكل شي غيّرنا
هالطريق رح نمشيه
(والدنيا بتشتي)
ما رح نخسر شي
(والدنيا بتشتي)
عمنستنا الليل طويل
