كل ممنوع مرغوب

الناس فترات

كمّن يوم معاك بحكوه

زهقوا منك بزتوك

انا

بكتبش عن عبث

بسيبش ايد حتى لو يصيبني الاذى

بعطي كثير ما بفضى

لقّبوني الأزل

من الاسى عيني مطرت بس مضطر للاسف

بشوهوا فيك لحتى يحبطوك

امام الناس

اضرب عشرة منهم فيهم بكرهوك

بس ما تتأذى لسا القادم اعظم

وقت الجرح ما بيشفيه غير رضا النفس

وعد غير الناس تتندم

بشمّر للكواع

ما فدت حالك بإيدك

صدقني ما حد حيفيدك

صحابك ضمن الاولوية

احترام للناس

وقت السطوع فش مصالح

علقني بذهنك انا صالح

بس اغيب اذكر كلشي انحكى براسك

ما بعبي الراس سامحني بحكي كثير

بآمن انه الحكي يفيد

حكيتلك وانا صغير مش لازم اعيد

اوعة تتعلم من كيسك

الموسيقى ما بتزيد

والوعيد

ما بيجيش غير من غضب

كثر التفكير من ارق

بنتهيش غير بس تغيب

عن الناس والصخب

بدك شغل بس مافيش

فبتضطر للغلط

بس الغلط لما ما تلاقيش تروح للغلط

كب الاعذار بالبحر

تقنعنيش بالكلام

بآمنش غير بالقدر

بستنوا فيك عوقعة

ادعي يارب الستر

وانا ابن ال18 ابن الاربعين بقدرش

كان صعب نأمن عيشة

الفن لا يقدر بالثمن فكلشي كليشيه

ما تحكيلي مبدع

خلي الثمن بالجيبة

وانا بخاطب فرص بعيدة

لو ما جيتي رح اجيبك

اكثر اشي بستفزني صوتي راح بس لأدي هالتراك لاغني

كمّن الف من مية بيسمعني

كم واحد حس بالكلام

احنا مهدورين

اصواتنا هي الصوت الواطي بنص هالازمة

الناس وقت السهر ما بتسمع غير للي حاسس بالعتمة

خايف تحت البطانية بعمر الخمسة

شايف كمّن ايد حواليك من تحت التخت بتحضن فيك

بتهيألك

زي ما كان بيتهيألك انه في حد فيهم حيواسيك

اعطيك ريل فاكت

بعز الاسترخاء بعطيك ساد تراك

ولما احس اني محتاج

بشغّل مود من موداتي واحد منهم مود اللامبالاة

اعتراف بالاخطاء

شب زيي زيهم بغلط

ارتكاب الجرم خطأ والاجدر بالذكر انه الخطأ مرق

لبست حالي شهور لحتى افهم شو اللي براسي

وهل انا طبيعي وليش عم بنعيش مآسي

طيب

كان عندي كم سؤال

اسف اخر فترة بنسى كثير فنسيت

اعطيك كم موال اسف صوتي مش جميل

بس بعطيك من اللي عندي

وهالتراك هدية للمحتاج فإني

بعلن اني حابب اهدي هالاغنية للي فيكم كان مهتم يسمعلي

افكارك قبل النوم هي اللي بتبكيك

بتفكر باللي كان مطلوب قد ما تفكر بتكفيش

بسعى للحصول على نتيجة

في وقت بس معيش

ولما ازعل بطلع عالعلن فبلجأ للتويتس

فكرت كثير بالناس

ليتش كان زعلان بس اشتغل عالبيت

طب عطيات كان كويس لما كان معاي عالخط

طب موج كيف اوضاعك وانت للتراك عيونك ما بتنام

واللي بفكر فيه صعب احكيه

هل الوضع تمام

مستقبلي بيتأمن

ركود وظيفي عباد مسميين رجال اعمال والحياة بتتسيس

لسا كله كوم

والكوم الثاني هم العيلة

والظروف ما بتراعي هم الجيبة

قلنا لسا عايشين والسؤال لمتى

ما حسينا بالانسانية حسينا بالجفا

وتقارنّيش بأوضاعك

اذا الاغلب كان تمام صدقني معبى منّا ناس احلامها ضاعت

وانا كل ما احس حالي بكبر على الناس بتراجع

ما بهتم للارقام طول ما بتمنعني اتواضع