مفيش سلكان كله بايع مبدأو

‎دنيا ملهاش امان والصحاب بيغرقوو

‎كل اللى بينا راح لما وقعت اتنسيت

‎قلبى حس بجراح انا من غدرهم قسيت

‎انا بتكلم ع الصحاب الشمال

‎عاملين فيها رجوله وهما اصلا عيال

‎صحاب مزيفين ييجو لو معايا مال

‎عاملين مخلصين بس كلهم اندال

‎عايشين ف دنيا غبره الصحاب متتعاشرش

‎اشتريتكم بالغالى وانتو متساووش قرش

‎ف الغدر بقيتو خبره خدتو دكتوراه ف الغش

‎خليتو الطيب عبره شاف معاكو ١٠٠٠ وش

‎الغل ف النفوس من جواكو انتم وحشين

‎كلاب على الفلوس انتو صحاب مزيفين

‎احتجت لكم ف مره معرفش روحتو فين

‎طلعتو رخاص خلاص انا تمنتكو ب قرشين

‎بعطيكم تحرمونى خلاص تعبت عقلى باظ

‎بالطوب بتحدفونى وانتو بيتكم من ازاز

‎من جوا مفيش اخوه ليه بقا عاملين لذاذ

‎حاولت اكون زيكم بس بفشل ب امتياز

‎اصحاب وقت المصالح تيجى وبتملى المكان

‎مفهمش حد صالح دول collab على الدخان

‎بس انا ع المبدا ثابت مش بخون اللى خان

‎ولا ابيع إللى باعنى وابقى زيه مهما كان

‎متربى ع الاصول مش هسيبها غير ف قبرى

‎متربى جوا قصور مش متربى تحت كوبرى

‎لو حتى مهما اشوف صابر مش بيخلص صبرى

‎ما تترجم الحروف انا مش بكلمك عبرى

‎متسرحش بخيالك او تقارن نفسك بيا

‎لو جاى وسط شله هسحب سكينتى الغبيه

‎تتحدى مين ياقله انا ياما وانت شويه

‎اخرك ترغى وتتنطط وتولول زى الوليه

‎انا بتكلم ع الصحاب الشمال

الشمال الشمال الشمال الشمال

انا بتكلم ع الصحاب ال مش تمام

مش تمام مش تمام مش تمام

الشمال الشمال مش تمام مش تمام

الشمال الشمال مش تمام مش تمام

‎طب اسمعو الحكايه حاولو تفهمو الموضوع

‎مع صحبى مشيت ف سكه واتعاهدنا مفيش رجوع

‎بقا بينا عيش وملح كنت ف ضهره مسبتهوش

‎امنتو وسابلى جرح وف ثوانى مشفتهوش

‎صحبى إللى زى اخويا طلع عيل مش تمام

‎كنت معتبره سرى وهو بينقل الكلام

‎امنت ندل خاننى م النهارده مفيش سلام

‎معروف طول عمرى راجل و الغلط بجيب علام

‎انا لو ذكرت اسمك يبقى عليت من مقامك

‎ندل وعامل حبيب بس انا عارف تمامك

‎ف وشى ولا الملاك وانت ابليس من جواك

‎لما ابعد واغيب دايما تجيب سيرتى ف كلامك

‎ولا التانى اللئيم إللى خدنى على عمايا

‎بيسال ع الحريم اللى ارقامهم معايا

‎دايما يسالنى عنهم معرفش ايه الحكايه

‎اتاريه كان عينه منهم وبيغفل من ورايا