أحلامي تايهة في الحياة
بين الإمكان والاستحالة
بين الحيرة اني اكمل
ولا اقدم استقالة
أجري واسعى لحد مااتعب
ولا اريح وابقى عالة
أعمل شوبينج في البقالة
ولا ادور في الزبالة
أحيا حر في أمري ولا
بأمر الناس كأني آلة
صوت يقولك يلا كمل
صوت يقول غير مجالك
حاجة تشدك لليمين
وحاجة تزينلك شمالك
اللي شالك تنسى فضله
ولا تشيله زي ما شالك
تمشي زي ماكله ماشي
ولا تسعى للعدالة
لأ اوعى تاخدك الجلالة
اوعى تسعى للعدالة
وسط عالم كله ساكت
راضي الظلم يبقى حالة
خليك عايش في التفاهة
اوعى تكون صاحب رسالة
اوعى تفكر في المخالف
لايجيلك قرار ازالة
ناس تدافع عن سراب
زي البواب من غير وكالة
هات عيال تكون شبهنا
علم ابنك يبقى آلة
عشان يكمل المسيرة
عشان نحافظ ع السلالة
أحلامي تايهة في الحياة
بين الإمكان والاستحالة
بين الحيرة اني اكمل
ولا اقدم استقالة
أجري واسعى لحد مااتعب
ولا اريح وابقى عالة
أعمل شوبينج في البقالة
ولا ادور في الزبالة
أحيا حر في أمري ولا
بأمر الناس كأني آلة
لميت شنطتي سبت بيتي
رحت ادور ع السعادة
خدت كورس وفي نهايته
سلموني كام شهادة
بس لسة مش سعيد
سألت فين الاستفادة
قالولي لسة لاعتمادك
لازم إمضة أبلة غادة
....
رحت اصلي قلت يمكن
القى راحتي في العبادة
حذروني م العذاب
لو مابطلتش عنادك
كنت خايف م البداية
وحسسوني بخوف زيادة
الطب اكيد معاه اجابة
رحت فورا ع العيادة
حكيت حكايتي بس رده
كان غريب مليان بلادة
شكله اتعود ع الحكاوي
ورده بس روتين وعادة
أحلامي تايهة في الحياة
بين الإمكان والاستحالة
بين الحيرة اني اكمل
ولا اقدم استقالة
أجري واسعى لحد مااتعب
ولا اريح وابقى عالة
أعمل شوبينج في البقالة
ولا ادور في الزبالة
أحيا حر في أمري ولا
بأمر الناس كأني آلة
