It's crazy how time can fly

Life is short and we all gonna die

Ain't tryna be negative but I ain't tryna lie

We all wants to hear the words that wearing a suit and a tie

Imma tell you about a relative grow up with my brotha kai

He was like a shining star in a middle of a foggy sky

Had no harm, did even kill a clingy fly

When I heard his news, I promised not to cry

I couldn't hold for long, and I wiped my eye

مجنون شلون الوقت يمشي بسرعة

آلحياة قصيرة وكلنة راح نموت

ما اريد ان أكون سلبي بس ما اريد اجذب

كلنة نريد نسمع الكلام الابس بدلة و رباط

خلي احجيلكم عن قرائبي تربة وية اخوية كاي

جان مثل النجمة المشعة بنص سماء مغيمة

مجان عندة أذية حتى ما قتل ذبابة مضايقته

من سمعت اخبارة وعدت انو ما ابجي

بس ما كدرت اطول هواي و مسحت عيوني

عبالهم كاعد بامريكا وما عندي اصل

احترم عاداتنة و تقاليدنا بس مو العشيرة و الفصل

صحيح ما عايش معانات العراق بس عندي اهل

يحجولي عن فساد الحكومة و الشعب المنهمل

وارواح شبابنا الي يومية كاعد تنكتل

علمود يطالب بحقة و على حالة منقهر

ومعاملة العبيد الي للحيوان متنقبل

بس ربك يعرف معاناتنا فانطانة صبر

يخفف عن امهاتنا اليومية تنكسر

الأول الثاني والثالث من ولدهة راحوا هدر

والرابع بعدة بالتحرير رافع علمة ومفتخر

يوكف كدام اكبر مدفع ما عندة شي ينخصر

١٦ سنة بعد صدام مليانين ضيم و تعب

ما صار بيت و وطن، عايشين على جولة ولهب

هاذا نخطف و هذا نهب و ما ندري على منو الذنب

الي كاعد على الكرسي لو أبو عمامة الجذب

فقر، جوع، بطالة ومرض

بوك، فساد، رشاوي، و نصب

اختيالات، خطف، مفخخات، وقتل

ذبحوا ابونا العراق بس مفتخرين عراقيين الأصل

مقتدى الصدر و و عمار الحكيم

نعامل واحدهم نبي لو وحي و هم ملحدين

يصعدون منابر و ينطون فتاوي وهمة منغير دين

الناس تقتدي بيكم للهداية وتقربًا لرب العالمين

مو معناها عندك ظهر و صلطة و تاخذلك منصبين

خالي احجيلكم عن الناس الفقرة ينامون جوعانين

عشرة عايشين بغرفة ومن المي البارد محرومين

و انتو تصعدون منابركم و من الأكل كاعدين متخومين

لابسين عمايم و تكولون جدكم النبي يا ممثلين

قرات لنبينا عن زهده و كرمه و مساعدته للمحتاجين

قرات عن فقره و جوعه و ركبه للبغال و الحمير

مو مواكب و جكسارات و بميت سيارة محمين

بالله من يا وكت أهل العمايم صاروا سياسيين

يتعاركون عالكراسي و بجم حزب صارو متحكمين

وشيخلصهم العالم إذا حزبين منهم ممتوافقين

ارحمونا اللهً اكبر صارت مو للصلاة يمعودين

ممكن حجيي غلط ومحد يوفقني الراي

عمايمنة و ساداتنا لازم بسيرتهم نرتقي

شبيكم يا اهل المروة تركضون وراهم خسي

اخذوا منا اهلنا وناسنا و يومين ثارهم ينسي

نبقى نتحسر نشكي و نبجي مو كافي عاد

شبابنا بالتحرير واكفين ضد حكومتنا العارات

بعد ما نريد تقسيم بين سنة شيعة و كراد

نريد حكومة وحدة و شعب واحد ونسهر على دجلة و الفرات