مش انا
اللي في مرايتي مش انا ده حد تاني
اشمعنا انا
الدنيا عماله تعاندني مستقصداني
انا فيا ايه
بقيت بارد مبقتش بحس بالوجع
معرفش ليه
كل ما بحاول اقوم على رجلي تاني اقع
انا عيني بتدمّع شكلي بودع
روحي من جسمي بتطلع
على طول سرحان مبقتش بنام
تعبان انا وجعي مسمع
بقيت ساكت مش بتكلم
انا بتألم ليل ونهار
ملهمش عزيز ولا غالي
انا طيب وسط عالم اشرار
وحدي ولكن
مبقتش مرتاح للبشر ولا للاماكن
والحزن ساكن
والجرح ساب الكل
وقام في حضني راكن
يا ناس قولولي
العيب في مين
الموضوع بقى يثير فضولي
ليه دول رموني
وسابوني احارب السنين واقف بطولي
قاعد حاضر بجسمي
لكن روحي يا ناس مش قاعده معاكوا
نفسي فمركب من غير مرسى
لآخر العالم اروح وانساكوا
الوحده بتوجع بس اصيله
طول ما اللمه كذابه
خلق مناقفين لابسين وشين
على شكل وحوش ودياب
يا هديتي
من ربنا بعتها ليا في وقتها
يا فرحتي
يا اكتر حاجه في دنيتي بحبها
يا نور عيني
من يوم ما جيتي والحياه بقى ليها حس
خليكي جنبي
انا مش محتاج من كل دول غيرك وبس
بتزن ترن عليا انا كل شويه
واروح اقولها
ان دماغها دي هربانه منها
لكن انا بعشق امها
تزعل بصالحالها انا بعشق روحها
ما نيمهاش زعلانه
لاسعه ومجنونه عندها جنونه
وحكايتي معايا خلصانه
