الليلة هسحب عيوني من على جسم البنات لجل ارسمك
واكتب عشانك 100 قصيدة من الهوى
واضحك وانا فـ حضنك ببات
إنتي البنات
وانا عيني زايغة عشان بشوفك فيهم
فعرفيهم
يبعدوا وضميني وحدك للأبد
أنا أصلي مش حابب مدد
والقرب منك لو بحرب
فطبيعي انا الخسران
دا لإن سحر عينك
كردان
الليلة
هكتب على الكشكول خلاص
أحلامي جايا فـلمستك
وفـ سحر عينك والسكات
كان حزن بيعافر ومات
والليلة دي بقينا للعشاق مثل
وقدوة في الحب الكبير
أنا راضي بيكي
بأي حال
صاحب ديار
مملوك أسير
يكفيني قربك حتى لو بعض الساعات
أنا مهما هتزيدني الحياة في سنين
هفضل بحبك من جديد
حتى الممات
