بنقول للي باع ، مفرقش معانا الوداع
المكان مبقاش يساع ، و اللي راح فدانا
جه ميعاد الحساب ، للي كانوا عاملين صحاب
اللي ورونا العذاب ، شوفنا منهم الخيانه
جرحوا قلبي كتير
وما شوفت منهم خير
و اللي كان عامل حبيبي
بان عليه التغيير
و اللي قال انا معاكي
دايما انا وياكي
سبني و الله وسط جرحي
ووسط همي الباكي
و انا كنت بأدف و الموج عالي و قلبي مرفرف
ولا كان ف البال ان انا هتخان ولا يوم كنت اعرف
ده انا ليل و نهار كنت بقول يا اصحاب كنت بخرف
ولقيتها بطولي تمام بالعكس بقت انضف
ياما شوفت كتير اوجاع يابا
عيشت انا زي فريسه في غابه
من كتر ما جوايا طيابه
بتوه ف وشوشكوا الكدابه
بره حياتي انا مش عايزاكوا
ياما اتالمت و انا معاكوا
قررت خلاص اني انساكوا
مش هشتري لا انا بيعاكوا
بنقول للي باع ، مفرقش معانا الوداع
المكان مبقاش يساع ، و اللي راح فدانا
جه ميعاد الحساب ، للي كانوا عاملين صحاب
اللي ورونا العذاب ، شوفنا منهم الخيانه
قالوا صحاب واخوات
وخلوا عيشتي سواد
شوفت منهم غدر ياما
قلبي مل و مات
و الكلام ده صريح
مليش ف التلقيح
انتوا ناس ملكوش امان
واخدين ع التجريح
بس هاتلي ناس تقدر او عيون تشوف
صحبه حتي توفي ليا كله ليه بيخون
عيشت ادور علي شخص يقدر الظروف
احتاجه يكون موجود و يداويلي الجروح
انا عيشت حزينه وحيده بعيده
و بهرب م العالم كله
كان نفسي أشوفلي حياه جديده
و في حالي يسبوني بقي يحله
كتر الصدمات اللي انا شوفتها
خلتني اعيشها لا مبلاه
دي حياتي اللي انا مجبره عيشتها
بس بسلمها انا لله
