كل حاجة شايفها فيكي

كنتى ليا كنت ليكي

كنتى روح بتهد فيا

و النهاية تليق عليكي

كنتى جنة جوا نار

كنتى حلو وفيه مرار

كنتى بير و ملوش أرار

والغرور صعب و ماليكي

بعتي حب العمر كله

بعتي شمسه و بعتي ضله

كنتى ليه مش حاسة بيا

هو قلبك إيه حاصلوا

لما أكون صادق معاكى

و الحياة ليافى هواكى

تبعدى قال ايه نصيب

كدابة حتى فى أساكى

ضيعتي عمرى و ضيعتي منى

باديكي لكن غصب عنى

لآ يا شاطرة مش نصيب

معرفتكيش كان جهل منى

من الليلادى انتى برة

ايوا حر و انتى حرة

و إنزلى بتتر النهاية

عيشتيني ليالي مرة