بحياتي ما خفت موت طول عمري خايف عيش
طول عمري واقف عالطابور ناطر يدقولي فيش
ليطلع اسمي عالدفن
لملم اخطائي بالكفن
غمض و ما افتح جفن
و انطر يطلعلي ريش
لطير و علّي جنة جهنم ما كتير فارقة معي
المهم بعيد عن نتانتكن صير مفارق وعي
تنظير و لعي
مسحوب بالجنزير عالرعي
مصير السعي اسمك بالغامق عوراق النعي
خلقان أجير و همي اتفاءل ببكرى
غرقان ببير ما فيه مي و ماله دلو و بكرى
بالبال تفكير اني يوسف و ما عم تروح هالسكرة
فعم نام و فيق نام و فيق ولسا ناطر بكرى
بس شكلو ما في
ماني نبي لأتنقذ ماني بمكانة كافية
هدا زمن انعطافي
ما عاد في نية صافية
و ناطر حكمي ليتنفذ بلكي الجبانة دافية
و ناطر حكمي ليتنفذ بلكي الجبانة دافية
و ناطر حكمي ليتنفذ بلكي الجبانة دافية
و ناطر حكمي ليتنفذ بلكي الجبانة دافية
و ناطر حكمي ليتنفذ بلكي الجبانة دافية
عم افتح بوراقي
بدي كم ورقة لأقدر اشرح غبائي
مع انو فاضي بدي مطرح ما ملاقي
بكتابي يلي لح يكمل شكلو مسرح ايمائي
مسجون جوا مرائي متل حبس انفرادي و عادي
كل ساعة بتقلب احكامي و القاضي راضي
مترين بمتر أوسع و أريح من وادي فاضي
جوا ما فينك تحلم ببكرى فبنادي الماضي
يلي لا فات ولا مات بس قلب زومبي
يوميا بقتلو بدفنو بيرجع بياكل يشرب جنبي
عم قلو روح مشان الله اطلع يلي صار ما ذنبي
قلي ما حيطلع حتى يسمع اخر دقة بقلبي
فلقيت حل شافي
بطلت عاديه و قربت بينا المسافة
لنو الوحيد يلي عندي بحياتي يلي صحبتنا صافية
و من وقتا صرت اكتب راب و صار عندي قافية
و من وقتا صرت اكتب راب و صار عندي قافية
و من وقتا صرت اكتب راب و صار عندي قافية
و من وقتا صرت اكتب راب و صار عندي قافية
و من وقتا صرت اكتب راب و صار عندي قافية
