طيارة ورق في السما
ضلها ماشي عالسحاب
لابس في ضهري براشوت
قام إتفتحلي منها باب
في أيديا فجأة لقيت كتاب
ودماغى مالها منملة
ديه مشكلة
جسمي إتشفط من الطيارة
طاير في بوقي سجاره
أنا ناسي ولاعتي
خرمان أنا يا خسارة
شريط حياتي قدامي
وشوش كتير ملهاش أسامي
و عايز محامي
يترافع عني في السما
براشوتي عطلان من الذنوب
قايل هاتوب لكن أنا
إنسان يا ناس مليان عيوب
كتابي شالني بجناحات
أنا قلبي صاحي ولا مات
سامع ساعات
عقاربها قاعده تدق دق
خلاص يا حلم كفاية لأ
كابوس شوفولنا علم نفس
يقول ده جد ولا هلس
أخر سجارة طب و بس
مع السيجارة صب كاس
شغلي جاز
و لتر جاز جااااااز
هولع في السحاب
عندى إكتئاب
وحيد وسط الصحاب
حزين وبدون أسباب
وماعيش ادفع حساب
براشوت بفرة صحيح خرع
تيجي تفتحه يقوم يتقطع
مسكت فيه نار كمان ولع
ليه صوتي مش بيتسمع
لا ليا ريق بيتبلع
و قلبي مخطوف يتسرع
طب ايه العمل
طايرلي ساعة خلاص زهقت
مكانش يعني باد ترب
دة بق خمرة يدوب شرقت
ده ربع كاس أنا فيه غرقت
خربان أنا ولا سكرت
أمي قالتلي نام سهرت
أنا ليه شربت
و لتر جاز جااااااز
هولع في السحاب
عندى إكتئاب
وحيد وسط الصحاب
حزين وبدون أسباب
وماعيش ادفع حساب
