مهرجان انا الجبروت
ياللي انت ناوي الفراق ليه جيت من الاول
فتحت قلبي ليك ياعم وف جرحي بتمول
علم عليا الزمان وف قلبي ساب أثره
ادي الأمان لزم اتخان وقلبي نال قدره
من امتي انا دوقت فرحة
قاسية عليا الدنيا جرحة
وانا راضي بالمكتوب
ولا حد حاسس بيا
كلها عاشق الاذية
والحال بقا مقلوب
انا الجبروت اللي هخلي الكل يتداخر
وف اي سكة انا همشي فيها هسمع سلام فاخر
هيحكوا عني اما يشوفوني معدي وف حالي
منا كنت منهم بس انا طول عمري وحداني
بكره الايام مابينا
وتقولوا دا كان شيلنا
وهقول فات الاوان
هتبكو واشوف دمعكو
ولا يفرق خلاص رجعكو
انا لسه فاكر زمان
دول غاروا مني عشان انا الضحكة على وشي
ف الفرح جمبي وف حزني مسمعشي معلشي
يا نية سودة والضمير غايب مفيش رحمة
والعين حقودة منفسنة والوشوش صفرة
فوقني الجرح اللي
جالي من اللي مني
حكمت انا عقلي فيه
طلع قلبي حنين
والجرح مكنش هين
وانا قلبي بيبكي ليه؟
طب يلا بينا نجيب كتاب ونفتح ف القديم
هتشوفوا مين فينا اللي ساب مين فينا اللئيم
لو غيبت عنهم بالسنين مسمعش صوت فوني
لما رجعت وبأن عليا العز بعتولي
انسوا الشخص اللي الطيب
دلوقتي انا مش هطيب
جرح ومش هداوي
يمكن انا كنت شاري
وخلاص بايع مجاني
دانا شيلت عنكم بلاوي
بقيت اضحك ع الكلام اللي بقيت سمعه
كأنه سيناريو من تأليفي وانا حافظه
معقولة دول ايوه دول عزوتي وناسي
دول هما دول اللي سقوني المر ف كاسي
حمو العبادي العميد في توزيعه دا المارد
حافظ امين ف الكلام شاعر رقم واحد
سيد عوجانة نجم مصر كروان ع الساحة
ودسوق دي جهتي جوه قلبي العشق بصراحة
