مش الحق عليك

الحق عليّي وثقت زيادة

حمّلتَك أكتر ما بتقدَر

وما بتقدر توفي بالعادة

وهلّق صدّق مش رح إقبل

عندي تكون الشخص الأفضل

وعندك كون الشخص العادي

؛

مش كل فرصة راحت منّك لازم ترجّعا

ولا كل إيد بتنمدلّك بتقلّك: تَعا

في إيد بتعطي للآخر

في إيد بتطعن بالآخر

وانتا كانت إيدَك حدّي وكنت مضيّعا

؛

عطيتَك عُمري كلّو

عطيتني العمر الشَقي

يا ريْت منلتقي من الأوّل

تا إمشي وما نلتقي

رح جرّب إني إتخطى

ونقطة بآخر كلمة حُطّا

وحافظ عال من قلبي باقي