بهرب م السكوت بكلام
بهرب م الواقع بالاحلام
برقص بتنطط ع الالحان
برقص ف الداخل ع الاحزان
كانو فين لما كنت ببكي لوحدي كانو فين ؟
كانو فين كانو فين
كانو فين ف الشده لما احتجت مجرد كلمتين؟
كانو فين كانو فين
كانو فين وقت ما روحي اختنقت بره
والجرح عصرها
كانو فين كانو فين وقت ما روحي انكمشت مره
والقسي حاصرها
كانسر جوا دمي .. كانسر جه قتلتني
فجأه اتخلوا عني.. فجأه بقيت اغني
واهرب م السكوت بكلام
واهرب م الواقع بالاحلام
وارقص واتنطط ع الالحان
وارقص ف الداخل ع الاحزان
بس انا مش هسكت وهقوم نفسي
مش فارقلي سهله صعبه كله يعدي
انا مش بستسلم الكلمه دي مش قدي
عدينا بالاصعب يعني اقل حاجه عندي
بس.. الواقع مؤلم بس هغيرو للاحسن
مافيش ف ايدي غير اني بأمالي اتمسك
الصدمه صعبه بس هتحولني للاصعب
مش هضعف تاني لا ولا انكسر ولا احزن
انا هرجع تاني بس بشكل اقوي م الاول
ف طريقي دا هكمل مهما هيحصل هوصل
في الدنيا انا شفت حاجات خلتني اتحول
فا انا ههرب اروح لصحابي واكمل واهرب
م السكوت بكلام
اهرب م الواقع بالاحلام
ارقص واتنطط ع الالحان
ارقص ف الداخل ع الاحزان
وتلف بيا وتدور وبتضغط ع الكسور
ونا ساكت
ونا ببكي جوا واضحك م السكوت
وبتيجي لحظه وتفوت جوا دمي ساكن الموت
انا خايف
دا مش حقيقي لا انا مش هموت انا اروح
اهرب م السكوت بكلام
اهرب م الواقع بالاحلام
ارقص اتنطط ع الالحان
ارقص ف الداخل ع الاحزان
