أنتي وردة بنص الحرب بقلبك مليان مزايا
أنتي شظية حرب ماتت لأجلك كل القضايا
أنتي الجمال والرقة وكرمالك ماتت كل النوايا
بعيونك أمل مستحيل ينطفا
مشاعرها صعب تحرقها مستحيل أنك توصلها
أنتي الداء والدواء أنتي البرد والدفا
أنتي ياسمين الشام غنت يا حلا أحلى من الحلا
جمالها مخبى بشالها حروف اسمها صرخت تالا
بقلبي ساكنة هي لحالها وبعت الدنيا كرمالها
روح من فضة عاشت كل حياتها مخنوقة بغصة
رماد أبيض وأسود بدون ولا جمرة
فجمعتنا البساطة لنشوف شو مخبالنا بكرا
بوجودك أنا وأنتي كتبنا عنوان هالقصة
وبيوم من الأيام صار حبنا للعشاق حلم وعبرة
مستحيل أنسى هالزكرة
بعيوني أنتي ملكة جمال كل نساء هالكون
وبعيونك شفت الدنية غير ألها طعم ولون
مجنون صرت أنا فيكي وبين ضلوعي رح خبيكي
أم ولادي رح سميكي، ومن هموم الدنية رح أحميكي
رح صون كل زكرة بيني وبينك، أول نظرة لما اجت عيني بعينك
أول بسمة أول ضحكة وأول وعد بيني وبينك
مستحيل أنسى ريحة عطرك، وكم خصلة بشعرك
كنت ميت بلا أحساس بمشي بين هالناس
بشوفون حجر بهيئة بشر فمات عندي الحماس
جوا عقلي ظلام داكن قبلك كنت فاقد الحواس
مربط أنا بوسواس فقالو عني حساس
علمتيني كيف أكتب كلماتي بعيد عن الوهم
وأنو العمر مجرد رقم والهدف هو الحلم
جواتنا شوائب الظلم فبلش بحرق الشئم
أتزكر أنو في رب بيحاسبنا عكل ذرة لئم
لمسة أديكي رممتلي ضهري المكسور
متل صفحة بيضة مزينة بكلام تلت شهور
مابفكر حب غيرك لو بدلوكي بقصور
ورح ضل أتفاخر فيكي متل كل شب مغرور
بضل بطلع عالقمر لشوف صورتك قدامي
بتمنى أقضي عمري معك وحقق أحلامي
أصحى قبلك لشوف عيونك قدامي
لو ضل أوصف فيكي بقاموس عربي فصيح
بكلمات كلها مديح وأخف من نسمة الريح
بدي هاجر من هالدنية لكون بحضنك نزيح
بتكفيني كلمة بحبك وحبنا يكون صريح
بعيوني أنتي ملكة جمال كل نساء هالكون
وبعيونك شفت الدنية غير ألها طعم ولون
مجنون صرت أنا فيكي، وبين ضلوعي رح خبيكي
أم ولادي رح سميكي، ومن هموم الدنية رح أحميكي
رح صون كل زكرة بيني وبينك، أول نظرة لما أجت عيني بعينك
أول بسمة أول ضحكة وأول وعد بيني وبينك
مستحيل أنسى ريحة عطرك، وكم خصلة بشعرك
أم ولادي رح سميكي، ومن هموم الدنية رح أحميكي
رح صون كل زكرة بيني وبينك، أول نظرة لما أجت عيني بعينك
أول بسمة أول ضحكة وأول وعد بيني وبينك
