واقع امغبر الحبر يكتب وي عبر
وحدي في اضلام الليل انشوف ف الفوق مافيش انجوم
دنيا امطر واغيوم واني ضايع مهموم
أنفكر في ابلادي أمي او بوي خوتي وأصحابي
سامحوني هلبا غربا بعدتني اعليكم
هلبا مستاحشكم ديما ادورو في اخيالي
اتعبت واشقيت هلبا احفر في اطريقي القيت
تغلط تتعلم تكبر تنسا او ديما هانيا
ع الباطل عافس او ديما ع الحق انقاتل
في أبلادي ولا اف برة نفس العقلية الحرة
ولد الاوصول. ديما شامخ او راسي الفوق
من لي ريتا قلبي اكوي وأيماني في ربي اقوي
كلها اتقول غير نفسي مافيش حد ايشوف في التاني
مات لحساس اهني الرحمة ماتلقاش
عايش.. زي الخفاش راقد في انهار نايض في الليل
فاتو اعليا اسنين في الغربة ماتبش ترخيني
ا يا ابلادي حسي بينا . اتغربنا راه واعيينا
أسنين امشت راحت ع الفاضي
واني بايت وانفكر طافي
يا أمي ياغاليا منك طالب لسماح
افليلي مايجينيش النوم. ديما انفكر فيك
البعد اخداني لبعيد. حالتي النفسية قاعدة اتزيد
كله من الدولة. اتحب اشبابها تحت اتراب
لا حقوق او لا جنسية اوزيد في ابعضنا انحاربووو
عيشتينا فسطت لعذاب
اخديتي الخوت واصحاب واحباب او هلبا اقراب
اخديتي الضحكة اخديتي البسمة
او كل شي في احياتنا حلو
ياما عشت براني .اغريب او وحداني
افطيحتي اتعلمت ..مالقيت من اتلقاني
أمي في قلبي . في افكاري واخيالي
ديما في بالي . ابعيد اعليك ما سامحيني
ياما عشت براني .اغريب او وحداني
افطيحتي اتعلمت ..مالقيت من اتلقاني
أمي في قلبي . في افكاري واخيالي
ديما في بالي . ابعيد اعليك ما سامحيني
