روحي بترجعلي
جوا أرض المعسكر
لا هسيبها ف يوم ولا أقدر
أبعد من تاني
من يوم ما قولنا ابذل جهدك
ببذل جهدي بكل تفاني
كبرت بقيت كشاف و شعاري
أكون مستعد ف حياتي
و كبرت أكتر علشان
أفقي يكون أوسع عن المكان
للخدمة العامة،أنا كلي همة و استعداد
روحي بترجعلي
جوا أرض المعسكر
لا هسيبها ف يوم ولا أقدر أبعد من تاني
زي النسر ف كل حياتي
فوق الصعب أفرد جناحي
ثقتي ف ربي و قوة ايماني
دة هو إلهي اللي نجاني
و أنا زي ما كان جدعون زمان
مليان روح الرب و إيمان
معرفش اليأس،أنا جبار بأس ف قلبي ثبات
روحي بترجعلي
جوا أرض المعسكر
لا هسيبها ف يوم ولا أقدر أبعد من تاني
راجعين بقوتنا ما هي لمتنا وحشتنا
و ف وش الصعب ف ضهر بعض و بنجدد طاقتنا
الناس شايفة الدنيا غيوم
و احنا ف الليل شايفين نجوم
و ف وسط النار ، بنلاقي شرار، بينور طريقنا
روحي بترجعلي
جوا أرض المعسكر
لا هسيبها ف يوم ولا أقدر أبعد من تاني
