مش قادر على التحمل
فاكره اسمي ولا شغال تجمل
طب فاكره اني معدتش قادر
سهران من الفجر و بسهر مع جمال الفجر في عينها
الفكره اني كنت بطمن بس وانا ايدي في اديها
و اديها معدتش موجوده
اسمها مش كالعاده في ذنوبك
اسف على وجودك
المره دي مش هي الي هتشيل همومك
فاكر اني هلومك
مش هكذب عليك هي كانت اهم من لزومك
كنت معاها بتعدي الدنيا
دلوقتي مش بتشوفها في ولا ثانيه
ايه الي كان هيحصل لو حبنا دام
مش قادر اعدي الاوهام
اسف على اوجعاك
انسى مش رجعالك
ركز و طنش صوتها الي في ودانك
كانت بيت و ستر و ضهر و غطا
بس كل ده في وقتًا ما اتهضم
و الزمن على وشك لطم
و بيتك ادهدم
سترك اتقطع
و ضهرك اتقطم
و حبها اتردم
وتكفيرك اتعدم
ومش هترجعلها
ومش هتكون انت جنبها
انسى بحياتك و حاول بتفكر برا عنها
مش هنسى حبها
مش هنساها كلها
حبيتها لوحدها
و مش عايز بعدها
الحب مش هيعود
في حياتِك مش موجود
صوتك بقا احن من صوت العود
بقيت برد على كله ببرود
اعاند ليه وانا بحارب الموت
معدتش ف صوتي النبره
عايز أفهِم نفسي انها مش هتيجيلي على قبرك
بحاول اول اطلع نفسي برئ وانا بغرق
وانا مش بريق من جوا بس بقلق
مش عايز انسى حبي ليها
ولا قادر انساها و اعديها
الفكره ف بالي و نورها بدأ يبهت
عقلي بيحاول يعدي و قلبي بيقوله اهمد
بدل ما كنت بقول (ده انا) كنت بقول (ده احنا)
بس خلاص كل واحد راح لحاله
كنتِ حلِم لكاتب صغير ف خياله
ولسه مفيش حد حلو غيرك
ومكنش في في قلبي بديلك
ومفكرتش ف يوم اني اسيبك
حاولت اعدي وانا ايدي ف ايدك
بس رجعت الحيطه تاني بيني و بينك
مش هكلم
ولا عايز من الدنيا تعلم
عشان مش عايز أتألم
انا كل الي هعمله بس هـسَلْم
