يَا سْرَاج عِنَّايَا الْمِطْفي بْعَتْمْ كَانُونْ

لَيْلِةْ مِيلادِ الرَّبّ مَعْ كَوْكَبُو الهَادِي

ضَوِّي عَلَيْنا غْمَارْ مِنْ دَيرْ مَارْ مَارُونْ

وِسْعِ الدِّنِي صَارِتْ كِلِّ الدِّنِي بْلاَدِي

يَا شَرْبِلِ البِدير كَنْزَكْ صَلاَ مَخْزُونْ

وطَيفَكْ مَعِ الزُّوَّارْ لِلرَّايِحُ وغَادِي

وِدْخَايِرَكْ بَرْكَاتْ لِلْكِلّ عَمْ بِتْكُونْ

زْيَارِةْ ضَرِيحَكْ سِرّ لَقْلُوبنَا ينَادِي

يَا جَارْ أَرْزِ الرَّبّ عَ رَبّنا بِتْمُونْ

يا إِبْنْ قَادِيشَا مْقَدَّسِي وَادِي

صَلِّيلْنَا حَتَّى كِلِّ الصِّعَابِ تْهُونْ

وْنِمْشِي عَ دَرْبَكْ يَا قِدِّيسنَا دَادِي