هاذي سابع مرة أكتب وأمسح الكلمات
شلون أترجملك حياتي واني بداخلي الكل مات
ربط القافية ببعضها أصبح أصعب عندي من
أب ويخسر أبنه صدفة بيده يلبسه الكفن
كل الي بنيته صار يشبه ما بنى هامان
أي طريق تسلكه رجلي يطلع أتجاهة أدمان
صرت أتمنى انام بيوم دونما روحي تطلع مني
دونما أحتضر كأني دوستويفكسي بنص لعني
وحدما يطلع الصباح أحسب بية كم جراح
أني آدم بشهوتي صارت لعنتي التفاح
ماكو مر بهذي الدنيا مر علية وما جرعته
أخذ كم ألف مهدء حتى أسجل الكتبته
جانت القوافي تحتي تركع حتى ترضي حبري
وبداخلي الكلام ويطلع من حرفها قهري
يمتى ترجع نفسي الية ماني نفسي القديم
كل أبداع بداخلي مات وباقي بس أسم زعيم
ماكو عندي أمنيات كل أمنيتي هي أبني
لما يحضر للوجود أتمنى يفتخر بأسمي
خايف الخجل يتملكه لما يكبر ويسمعني
واني أسب والعن أشتم خايف يندم ويكرهني
ويسمع دونما يعلم عني عن شعوري وما أعاني
عن طموحي طول حياتي أن أكون أنسان ثاني
شلون أتحولت ممسوخ عاجز عن علاج الذات
شلون أتحولت لمدمن ميت داخل الحياة
وينظر نافذة غرفته يكره أزدحام الناس
يحبس نفسه بين أفكاره عقله منسجن بالراس
وين الجان بنفسه يفخر ينبض حبره بأنتصار
الي حتى لو يتحاصر يهدم داخله الجدار
ويجعل كبرياءه بنفسه أكبر من حجي النقاد
يقود المجتمع برأية مو برأيهم ينقاد
يمتى ترجع نفسي الية ماني نفسي القديم
كل أبداع بداخلي مات وباقي بس أسم زعيم
في كل ليلة لما انام عندي هالحلم يتكرر
أني داخل قبري ميت جسمي اتحلل وتبعثر
والصدمني محد فوك قبري يقرأ لي دعاء
وين الكالوا راح نذكرك لاخر لحظة بالفناء
محد حاضر الجنازة غير أقلامي والكلام
الي حولتهن ذكرى وتخلدني للقيام
اسف آدم ما اتراجع رايد تفتخر بنسلي
لازم تقتنع بأخطائي وانت بنفسك تبررلي
هذا الرؤيا بالنهاية مراح تنتهي بمأساة
راح تتجمع الخلايا بجسمي وترجع الحياة
وأكسر حاجز الأعجاز وأبذل كل قصارى جهدي
هذا القدمته بحياتي يعادل قطرة من العندي
كل رهان أدخلة أفوز وكل أعدائي مني أوهن
آدم راح اتركه خلفي يصبح من أخطائي ألعن
وراح أرجع نفسي ألية ماني محتاج القديم
كل أبداع بداخلي يبقى وأبقى كرار الزعيم
