تعبانين هذا التعب على الفاضي
لما نموت راح يكولوا كانوا ماضي
فكرة بيش ؟ ما ابيع بأفكاري
دام تهون خل تهون واني راضي
مساكين كنا لين نرضيهم
مطلوبين عشرة ما غدرنا بيهم
كلشي نعدي ما قبلنا نعديهم
ننطي روح لا ما كنا ننطي بيهم
خلي يروحوا دام الراح بأفعاله
الميبقى أحنا ليش نبقاله
دنيا تدور لا متبقى هذي حالة
والبريد راح يوصل الرسالة
راح يكول والرسالة كالآتي
لو أموت ما أبيع كلماتي
ما معروض للمزاد كلوله
ثروة حرف ما تجيب بأبياتي
تمر أيام والسنين وأنا عالي
مثل أثار مهما دار أنا غالي
كله يهون لو يرحون مايهمني
المؤمن بية مهما صار يبقالي
أنا راضي بأمري
كافي خيري شري
مكتفي بحياتي
وما بقى بعمري
خل أكون راهب
كبريائي كاذب
انا مالي صاحب
غير أقلامي حبري
ما أعيش بس أعيش بأسراري
والحياة عندي بيت بأشعاري
فكرة بيش ؟ ما أبيع بأفكاري
هم باعوا وأني نفسي دوم شاري
