ربك فضلك بفضله تمشي بحر وفوكه بر
و عينك واسعة بنظرها تقطع حدة النظر
حجمك والجسد تسعفك أنك تعبر النهر
و اني عن الجرف الاخر لو امشيها اضل شهر
ممكن ظهرك اليحملني حتى احسه لي ظهر
و اظهر ما خفيته عنك تصبح صاحبي و ضهر
حتى اكون الك صديق تكون الية مستقر
و تجمع بيننا المسافة الخل تعرفه بالسفر
راح اكون خليلك دوم و سمي لأعدائك يدر
يوم تكول اريدك يمي راح اكون الي حضر
اني ماني الي تسمعه عني وكاذب الخبر
ما راح تندم بحياتك لو تعبرني هالنهر
واعرف ان وجودي فوكك راح يحسسك خطر
بس العقرب بحياته ما يوم صاحبه غدر
و اصدق بالمشاعر اني مالي منك أي مفر
لو غدرتك يعني تغرك واغرك ينتهي القدر
هاي البداية هاي البداية
بيضة النوايا بيضة النوايا
ماعندي غاية ماعندي غاية
ردتك دوايا
بهاي الحكاية تنكال
و الخيانة تورث اجيال
مستحيل تغير الناس
لو غيوم تحرك جبال
ربك فضلك بفضله تمشي بأسرع القدم
تكدر بالسنين تعيش وبطنك خاوية بوهم
يعكس جسمك الظلام تحسه بالشهب نجم
عندك ما يدافع عنك لو عدوك الهجم
تلدغ صاحبك عدوك سمك ما فرز بأسم
ما تميز بين حبيب و بين تكرهه تنتقم
ياما للجرف يعبر ظهري ما شكى بألم
بس اتمنى لو حملتك ما اتجازه بالندم
انا اعرف انك طيب وأدري أحساسي لو علم
رغم الثمرة ضلع شجرة بس خشبها هم سهم
رغم الداء تحسه موتك لكن يمحي من أثم
و الجروح الي تطيب بكلمة ترجع تلجم
و هذا كله ما يهمني أنا أساعد عندي أهم
اصعد ظهري خلي نعبر تصبح صاحب و أهم
راح اكون خليلك دوم وانت دوم الي شهم
لكن بنص الطريق تغير كلشي و أنهدم
..
أعترفلك أنك طيب و الي مثلك ينهزم
لو تموت تضل ضحية واسمك ما يضل اسم
ياما مثلك ردت اكون وأصبح صاحب القيم
لكن تنتصر طباعي و ارجع لأسفل القمم
واني حاولت تصحيحي حدما ماتت الهمم
ويوم الردت اكون مظلوم نفسي تصبح الظلم
بطعنة راح أغدرك وادري موتي موتك ينرسم
بس بطبعي هالخيانة وما يغير طبعي سم
أعرف النهاية موت الطيب يفنى دون أثر
و الي يطارد السحاب تحرمه شوفه القمر
و الي زرعة طيب سمه راح يذوقه مو ثمر
و الي بالحطب يجود يخسر صحبة الشجر
انت مو بذاتك شر شما تحاول ضدي شر
انت قررت خيانة فعلك للأسف خسر
غدرك طبعك المشؤوم تبرر تبقى للقدر
و النهاية نموت لكن أسمي خلده النهر
هذي النهاية هذي النهاية
موتي جزايا
ردتك معايا ردتك معايا
غدرك جزايا
وموتي بداية
