أنانى بشكل مايصحش
ومايصحش
أكـون جنبك لغـاية وقـتنا هـذا
بقول نبعد يومين أريح
فا لو تسمح
ياريت نهدى ونـدّى لنفسنا أجازة
يجوز أشتاق .. وإيه يمنع
يجوز أبعد .. يجوز أرجع
يجوز يطلع .. فراقنا فكرة ممتازة
يومين بالظبط .. فى خيط مقطوع ومحتاج ربط
فى حاجة لابد أفهمها .. وخلاص قربت
يومين بالعد .. وفى التالت هانرجع بعد
مالاقى حياتنا واحشانى .. و كلامى ده وعد
أنا أصلى حقيقى تعبت
بقت أحوالنا ماتسرش
ومايضرش
أكمل بس وأنا مش عايشة مضغوطة
ماظنش أبداَ إن إنت
هاتكرهلى
أعيش مرتاحة وللا تشوفنى مبسوطة
يجوز أشتاق .. وإيه يمنع
يجوز أبعد .. يجوز أرجع
يجوز يطلع .. فراقنا فكرة ممتازة
يومين بالظبط .. فى خيط مقطوع ومحتاج ربط
فى حاجة لابد أفهمها .. وخلاص قربت
يومين بالعد .. وفى التالت هانرجع بعد
مالاقى حياتنا واحشانى .. و كلامى ده وعد
أنا أصلى حقيقى تعبت
