أنا وحش البلد اللي جابتني

ومفيش غير رجلي اللي شالتني

عكاز نفسي ما حد ساندني

لو جاي متجيش

واقف سندال ومبتهزش

خليك ف حياتك متجزش

لو تطلب عيني متتعزش

واديك بقشيش

انا علي وضعي تقيل و كاريزما

وكبيركم جمبي ملوش لازمه

ف القاعده بطير 100 رزمه

مبيشغلنيش

الهيبه اتعملت علشاني

انا نسخه مفيش منها تاني

أنا باخد الأنظار ف ثواني

و زيي مفيش

ليفل الوحش انا اوحش منو

انا حد اوعاك تطمنلو

علشان لما بيحضر جنو

هتشوف الويل

عيني عاميا مبتشوفش الناقص

علشان كدا مش شايفك خالص

يبني انت خيبتها و ع البايظ

بطل تحوير

انا ع المبدأ تبدأ هبدأ

لو جي ف نكش هتتعلق

عارفك حكاك وبتتلزق

و تمامك سيط

ياض منتش حملي اسمع مني

دا لا عاش واللي كان اللي يهني

بلدك كلها ولا تشغلني

أنا م المظابيط

الدنيا حظوظ اسمع مني

وان حظك حلو هتقابلني

شوفلك واسطه عشان تعاملني

انا عالي عليك

انا اجدع واحد تلاقيه

بس اسوء واحد تعاديه

جودتي ف العظمه (5D )

مش زيك فيك

طب واللي خلقكم وخلقني

انا طوب الارض بيعشقني

طول عمري انا سيرتي بتسبقني

وبتيجي بالخير

انا مطرح ما بتنزل رجلي

كلها بتعظم من اجلي

عارف يا اصفر مني بتغلي

وتملي تغير

اي نعم الواحد علي قدو

بس مفيش ولا واحد قدو

ع الدوغري معايا مش هتسدو

أنا مبجليش

عينك ترفعها انا هكسرها

متجيش قدامي تخطرها

علي مين يا عبيط هتكبرها

ده انت علي مفيش

مشكلتي معاكو اني فهمكو

علشان كدا مبقتش اعجبكو

عايزني عبيط عايش بينكو

ومليش كلمه

لا سوري معلش انا مش هقبل

دنا فايق ليكو اوي مش اهبل

و ف حقي هكلمكو وهسأل

اه يا ناس ظالمه