كنت مع جثة والدي ساعة، جثة جدي نص ، ولا دمعة في عيني

بتفكرو الاشي طاردني بالمنام، بنام متل ال "بييبي"

وقفني قبال جمهور بحرقكم، قبال زوج عيون بتأتإلكم

اذا بتشوفني بقشر بصل جنب الجثة الجاي افهم بحاول اكون مثلكم

هاد ايفيكت حارات "رامات اشكول"، العواطف ما كانوش من الزوار ال هون،

للمقابر في قوة جاذبية وأهلي ربوني اكون "ارمسترونچ"

ابن الجار عاش عالفرد مات من الفرد، ابوي سجلنا في احسن المدارس،

عاش عالقرض مات من القرض ، بس كان مصاب في وباء الشرق

يقولي: اجمد تبكيش اجمد تشكيش اجمد الدموع للي عندهم فرج

لما ولادي تبكي اول ردة فعل الي: اجمد تشكيش بديش اسمع حرف

ف ابكي، نوح، طول شعرك، حط حلق، انا بشتغل عحالي

دمعتك قطرة بالقحط اللي بداخلي، ربيني اكون حقيقي بحياتي متل ما انا بالاغاني

متل ما انا بالاغاني، متل ما انا بالاغاني

متل ما انا بالاغاني، اكون حقيقي بحياتي متل ما انا بالاغاني

انا هيك، بعلق بين، غذاء الروح وبين غذا البيت

حقيقي كفاية، تأعترف اني مش حقيقي كفاية

بكتب بيت، عال مولوتوڤ، بحياتي ما حملت غير كابارنيت

حقيقي كفاية، تأعترف اني مش حقيقي كفاية

خالي من البوتوكس كل شي بالوجه، بس مرات ل اافتح طرق بغير وجه

دربت النطق يبقى خشن، لأدخل الحارة بدون إذن

كنت ابتدائي لما شفت واحد بنقتل قدامي، بمثل الحارة في الاغاني

اما مبسوط انه انا وخواتي ضبينا الشناتي وما رجعناش تاني

كتبت لأعكس حياتي والاعلامي يهتم يوصل للعالم رسالتي

طلعت ساذج، العالم بهموش الفقر والاعلامي جاي بس للشغل

حقيقي كفاي، مين خسر مين كسب ما ليش اخلاق اكتب "ديسات"

الراب العربي مش ناقصه قافيات بل ناقصه شوية…

مش عنصري، مش قومي، مش وطني انا فقط ابن زمني

صريح كفاي، انسان راضي في قوتي وضعفي، قوتي وضعفي

انا هيك، ثوري هين، واحيانا، ماشي جنب الحيط

حقيقي كفاية، تأعترف اني مش حقيقي كفاية

بنتقد، جناب البيك، وبسأل بتحطي كولونيا ليه

حقيقي كفاية، تأعترف اني مش حقيقي كفاية

بلا مكياج، بلا كحل، حافية بلا بوط على المنصة

صور الهالات السودة وما تعملي فوتوشوپ بالمرة

الحقيقة فيها شوية دهون، شوية دهون

الحقيقة فيها شوية تجاعيد، مش صورة في ماچازين

هالبلدة ضيقة، لو اعيش برة كنت بوصل منصات عالمية

او بالأحرى ، كنت بفقد ميزتي، هل انا موهبة جغرافية ؟

في مجزرة بالشجاعية بعمل جولة اوروبية - مع اني مش من هناك

مجزرة ب حُمص بنحط عالرف وبيوخدو فنانة سورية

انا بين حقيقية ل واقعية، بين تشاؤميه لتفاؤليه

بالعروض بقول للجمهور يرفع ايديه وبالحقيقه مرات برفع ايدي

بعتمد ع فني، هيك بقول كل صبح لنفسي

فني لا يعتمد عليه، هيك بيقولي موظف بنكي

الحقيقة فيها شوية ديون،

الحقيقة فيها شوية ديون، شوية ديون شوية ديون

انا هيك، كرهانه اللعبه بس مرات بضطر العبها

حقيقيه كفاية، تأعترف اني مش حقيقيه كفاي

بحارب ل, مساواة المرأه, مرات بستغل, كوني مرأه

حقيقيه كفاي تأعترف اني مش حقيقيه كفاي