إستحالة يبقى كل شي غالي.

قصتي حالة، قسطي عالي،

عم بعنّ عبالي إقتل حالي

حاسس حالي عالة.

عالي واطي سعر الصرف.

العالي واطي خرج الجرف.

عادي، واطي صار السقف.

اللائحة طويلة، وإسمك سابقو حرف

عطف. قتل، نشل، خطف، إغتصاب.

إنقضاض سم عالعسل.

إنقراض فرص العمل.

إقتراع: عجقة وهبل.

إستقرار الفشل: فشل.

إستمرار الدجل: أجل.

إستعمار بصوت الحجل.

إقتصاد إستجداء،

إقتراض وإستهزاء.

"إقتناص الفرصة": motto العرصة

موتوا بجرصة، وغذوا الداء.

فاق الصغار،

بدون part من لحم الدار،

بدون فرط الحكم البار.

قصة كبار إحتكروا الكار،

يا للعار.

افتكروا حالون hardcore

كول وشكور

ووقاف بالصف، سكوت ولا حرف

سلقى الخبز ونام عالشمعة.

حروس الغلّة، حبوس الدمعة.

كبوت العلّة، وصلّي الجمعة.

ووكّل الله يفك هل جَمعة.

اسم الله، اسم الله، ملا سَمعة.

ممنوع الإستقالة.

ممنونا للحياة عالثبات، تروامايات (Traumas)

مناسبات كانت. صارت متلازمات، بانت.

عقد بالدزينات، هانت.

عأد ما حبني الحيط، بارد.

عقل وبهل حياة شارد.

سينس (since) خلّصنا هل حديث يا خال،

تركنا من أجواء الفقس، ومشّي نسرد بالخيال.

تخيّل في system ما بشوف المرة عورة،

لو الانتفاضة ثورة، لو لقيت صفة سيارة بقلب الدورة.

لو مجلس النواب ما بمدد لحالو،

لو نديم منو spécial ما بيتفشكل بخيالو.

تخيل نسينا تبويس الطياز.

تخيل الأمل بلا إستاذ.

تخيل الدولة دولة مش مجرد واجهة بلا قزاز.

تخيل الحكيم مخلّص طب.

تخيّل الحريري ما بطب.

تخيل الحزب بلا ال"زب"،

بصير ال"ح"، متل الفيحاء طرابلس،

متل صيحات كلابكن: "أحداث فردية".

تخيل وليد جنبلاط مش بيك، أحلام وردية.

تخيل التقدمي إشتراكي، أو درزي ما بقاقي،

أو الفرزلي مش معاق.. يي، نسينا القاف،

يعطينا العاف، نيتنا صاف، وحياة الوالدة.

دوّر الشطافة عالحردان والمير إرسلان بالمي الباردة. (*وفيصل كمان*)

تخيّل الميقاتي دار طاعاتي، صوب العزم والسعادة.

تخيّل الماركسي منو sexy، وتروتسكي besty لستالين.

تخيّل سعاده شاف القومي معلق صورتو حد الأسد.

تخيّل الفارسي حب السعودي، صاروا cuties، راح الحسد.

آمين...

معلمي!

سوف وينك؟!

أخوكم الCornucopioid على السمع