أرانب وجضومة، أفاضل وطقومة، أكابر وفلومة، أراضي محرومة.

أماني ملغومة، أيادي معلومة، بوادر مشؤومة، كوادر تاسومة.

ودائع مرهونة، وقائع مدفونة، حقائق مرسومة، حدائق مسمومة،

حرائق منسية، مزابل غنية، وما سائل عالهوية..

إلا الدركي، إلا الشبكة. إلا ما يكيد الأمن تتزيد اللبكة،

وتزيد البركة فينا والله. "ما بعينك إلا الله" (الله):

علقان الشريط على نفس الfeed، صرلو قرابة القرن بعيد ويعيد،

وينعاد عليكم بالخير والعافية، من أكل الصرامي إجرينا حافية.

من وقت العاصفة ما ربطنا كلابنا، من عصب الطائفة منهز دنابنا.

منعض عالجرح، منكز عسنانا، من عهر الحالة نفخت الcondom.

دمتم عشتم، Stockholm Syndrome، تسلاية بأوقات الboredom،

أينما كنتم، اوسخ symptom، ترباية كنعان ورستم.

مطرح ما تروح، مجرور مفتوح: مكسور مجروح، مبسوط سنكوح،

مضروب ملقوح، مضروب الأمل، اليأس إكتمل.

تفشي عدم لا يُحتمَل، كمية ألم لا تُرتَجل.

كمية الأنا شي مبتذل: مسار مختذل،

طفى النار وبالعتمة نعزل، اتدفى بعار الخرى والدجل، أجل.

قَصّة شعر وصندوق إعاشة: "طار معاشي، بس مني غاشي، مني غافي،

بس ذهني منو صافي، مني راضي بحكم الفاشي، ماشي؟

س الخوف لابسني، تقول قماشة، الريبة مخة، بتضخ هشاشة.

الجيبة ضيقة، بترص عإيدي، متل الحديدة، بغسّل عإيدي،

بعدّ للميتين: ما يفقع وريدي، بنخ للحيتان: ما يوجع حفيدي.

بضحي بكرامتي عحساب إرادتي، يمكن شطارتي الخلل بإدارتي.

يمكن الResilience مش مفيدة، بس مش بإيدي، مش عكيفي.

حقي ضايع، بس حقي رصاصة. بضلني ضايع، حياة نجاصة…"

قاعدة ملظلظة عراسها مفنتظة كمشة منظنظة، بتضل معنطزة،

مش عاجبها غنماتها تشكي، مش راضيها بط أسود يحكي.

غذّي الايمان، قصقص خيطان، لزّق عينين، هدّم حيطان.

عمدى كبر القعدة مد سيقانك، وعحجم المعدة مزمز عيرانك،

فضفض نيرانك، فصفص بيرانا، فرفط صنميتك تنلم خرانا.

جاييك النهار يا إبن الشرموطة، الزمن بيبلع متل الفوطة،

الأمل بينبع، الأمل بيزرع، الأسد بيركع بنص الغوطة.

هل يا ترى بعدك مبسوطة؟ هل بعد القُرعة الزلغوطة؟

الخير لأمتي، أخشى بذمتي، تلك أخبار من صبحية عمتي.

تغيير جاية عضهرو شوالات، ما بيقلب القرن بلحظات.

ما راح شي هباء، ما جف دم علاء، ما يعني إنت فاضي إذا

الإنتفاضة مش ثورة يابا، فضفاضة الكلمة مش عورة يابا.

تفكيك عقد ذكريات الحرب، ترميم وعِبَر،

حاجة قتل وضرب، حاجة قتل وضرب.

الجوع كافر، والكلب سافر، الحوت فاجر، بس القلب ثاثر،

بعود ثابت، القلوب تابت، فالقيود شابت، والحقود دابت.

لجهود عصية بوج كل فشل، هيدا مش زجل، نحن مش عزحل.

بكرا بتروح السموم وبتزول الهموم، تيفيض سمنة وعسل،

سمنة وعسل، سمنة وعسل...