لمه جنت اشكيلك عن كل المأذيني
عوضت عن بعد اهلي وعوضتني عن حنيني
ياما كتلك روحي خافت ماضل عدها ابشر ثقه
ما تتحمل فركه بعد هذا اخر نفس بقه
بوكتها بضحكه كلتيلي مو كل اصابيعك سوه
مرات الله يدزلك شخص الروحك تلكاه الدوه
لكن كلما مر الوقت صارت تببهت الملامح
صرت تغلط واعدي صرت تجرح واسامح
.. ياما كتلج لتضيعيني
انا لمه اقرر ابعد حتى بحلم ماتلكيني
جنت اسولفلج ع الباعو لمه اكتبهم باغنيتي
هسه صرت اغني عنج يلي سميتج امنيتي
صرت انا اكره كل مكان عدنا ذكرى بي سويه
وهسه كلش اكره نفسي لما يهزني سطر اغنيه
شكرا لان صرتي سبب يخلص ليلي وما انام
والله وكت كمت اذكرج وانا اغني شكد حرام
انت ما جابك حنينك
مايجيبك اي كلام
انت رحت بوكت اني جنت
محتاج اهتمام
اذكر السويته انت
واني اغني شكد حرام
واني اغني شكد حرام
لمن شفتك جاي بدرب ما يشبه دربهم
تمنيتك غير عنهم انت الراح تمحي اثرهم
ضنيت بيك الخير لكن بعض الضن اثم
نعم عيشتني بندم
حالك حال القبلك بس الاختلاف بالملامح
اعترف مني الخطأ جنت بالمشاعر واضح
جنت بالمشاعر واضح
وهاي لعنتي الابديه
اخرت كل شخص احبه يتحولي النص اغنيه
ايموت بعيني ويتشيع ذكرى فوك صوت اللحن
واكفنه بالقوافي واسمه بين اسطوري اندفن
جافيتو الانسان الصدكي وكت الصدكي ماكو منه
انا البعدي تبقا خاسر حتى لو ربحت الجنه
حقه ماكدر يستوعب لمن جنت اوكف كدامه
جنت اكبر من كل طموحه جنت اكبر من كل احلامه
انا اسف والخلل بيه
والله جان الخلل بيه
لان حبيته ومهتميت رغم امراضا النفسيه
