من ما كنت صغير كنت بلعب بي التراب

امي لبستني الجزمة والشراب

بس كلو بقى سراب والحلم من قلبي ضاع والعقل لافكاري جاع والعيشة بقت خراب

يامتين تجي العصرية شان داير اجدع البلية قلب من جوا صافي وكنا بنعيشها بالنية

الذكرى بقت مرمية وضع ما مية المية والحلم كان فوق عمارة بس طلع ورا الطبلية

ظاهر في عيونا الشقى

الكان بسقي ما أتسقى

الكان ببكي ما حكى

حتى البشكولو اشتكى

زهجت من البلي قمت العب الحنجلة ..والزمن كان وقتو قرب شان اترسل بالبستلة

الناس الطيبة بقو قلة ماتت اجواء الحلة

ماعارفين وين العلة كلو يوم بنغير شلة

بجر شريط حياتي ترجع ذكرى قديمة

امي بتصحي فيني شان تبقى لي قيمة

افكار أليمة

كبرت عرفت انو كل العايش فيهو وهم

كلو بشيل في حق التاني بس ماعرفنا مين متهم

كلو عامل عندو فهم ....على النص مجدوع السهم

لكن كيف تشوف حريقنا فجاة لي افكارنا التهم

كل واحد بس بتشوفو جاري بقيت مابلاقي جاري

منو الواقف بي جواري مافي زول لي بباري