اكرة اما قلتيلي
النهار خلاني قفل
وإن حياتي مزيج سخيف
من الموات والشغل
وإني تملي غريب
لأني بنتمي
للمملكة الليلية
وإن التنفس بال
فم والمناخير
شيء مش مناسب ليا
فاكرة أما قلتيلي
اللقا مابقاش بيفرق
وإن الكلام بالصوت
ما بقاش متاح للي بيعشق
وإن المشاعر كدبة
ممكن تتبلع
عند الصغار
بس إحنا دلوقتي كبرنا
سنين كتيرة في انتظار
فاكرة أما قلتيلي
الكلام إللي وسمني
كل الحروف مرايات تبحلق فيا غصب عني
كان التعايش فن
بحاول اتقنه
فوق الحساب
ويا دوب شوية صغيرين
واقدر كمان أنسى الغياب
