ماطمرش فيهم ياقلبي ياخساره ع الإخلاص
ماطمرش فيهم ياقلبي كان كله كدب خلاص
وأنا كنت ماسك بقوه وفاكرهم الأحباب
والوقت عدى عليا وعرفت كانوا أغراب
في المحنه كنت سندهم وكنت أوفى صديق
وفضيقتي قسيوا عليا وسابوني وحدي غريق
طيبت ياما فجراحهم وكانو فوق الراس
و باعوني عادي بسهوله والعشرة مالها أساس
مجروح وقلبي بينزف وإزاي راح أدي أمان
ده أنا دقت مر الليالي وقلبي عمره ما خان
وسنين كتير فحياتي دي خدوها مني زمان
وقت ماحبوا يسبوني حبي عليهم هان
مش هقدر أنكر ياقلبي جوايا مليون خوف
عايش بداري فهمومي وكإن قدري أشوف
عمري يعدي ويجري ملعونه أي ظروف
خلتني أه أنسى نفسي وأكون بيهم ملهوف
