البحر مكانش يكفي ان يطفي النار جواك
بقيت بتفتكر غم ذكرايات مبقتش تنام
الناس اللي اذوك وغابو دلوقتي ليه واحشينك
لما احتاجت تفضفض سدو ودانهم عملو مش سامعينك
طول الوقت بقيت مخنوق ومش لاقي كلام يعبر
قلبي احن قلب قسي ع الكل لما اتعور
بهت من كتر البكا مرايتي قالت دا مش منظر
الناس قالولي ازاي عجزت وانت لسه صغير
متسيبني ف حالي انا فيا اللي مكفيني
سحرتلي عيونها فكنت معمي مكانش عندي اللي يوريني
عجزت وانت لسه عشريني بص شعرك شاب
يعيني ع اللي ساب وكان زمان بيقول مستغناش
لما بتوحشيني بيرسمك دخان سيجارتي
وبرجع افكر بعد بكا اه لو كنتي جارتي
قالو مكنتيش قاصده الاذي يس انتي قصدتي
واديني قصادك ريحيني افلتي رصاصتك
علمتيني الادب اتقلب كل خير اتعمل
دفعت التمن قلبي اتسلب قولولي ايه العمل
بشوف كوابيس وانا صاحي بعيش بالليل ف قلق
خلاص معادش فيه قرب باب الرجوع اتقفل
دماغتني بتفكرني بذكريات بتبل رمشي
بيدور فعقلي صراعات افكار مبيغفلش جفني
مفيش عتاب ولا عايز مبررات
لو حد كان شاري بجد يعني مكانش باع زمان
انا قلبي اتخرب نص عمري اتضرب واتسوحت
لفيت الدنيا شرق وغرب خدت قلة بخت
اما اللي منك كسرو سنك فجأة رموك لوحدك
فكرت انك بتنفع ناس وكنت بتأذي ف نفسك
معادش فيا طاقه بقيت بالعافيه بسند نفسى
انا ممكن وانا مهدود ابانلك جبل بعرف اكدب
وبعرف اذي وبعرف بعرف انسي وبعرف اقسي
بس مبقتش ابطل اعيط ولا بقيت بعرف اهدي
كل الناس دي قلوبها سودا ميحبولكش الخير
لما شافوك بتضحك استكترو الضحكة عليك
بلاش تحب فخلق تضلك وقت الحوجه تزلك
اللي كسرك كان من ضلعك مش غريب كان منك
بسدد قسط نسيانها مع اني حبيتها دفعه واحده
كنت معمي حبيت شيطانه كنت فاكرها واحده
لما بحن بشوفها بكأس وسجاره تقيله
واشد لحافي وافضل اعيط زي كل ليله
علمتيني الادب اتقلب كل خير اتعمل
دفعت التمن قلبي اتسلب قولولي ايه العمل
بشوف كوابيس وانا صاحي بعيش بالليل ف قلق
خلاص معادش فيه قرب باب الرجوع اتقفل
دماغتني بتفكرني بذكريات بتبل رمشي
بيدور فعقلي صراعات افكار مبيغفلش جفني
مفيش عتاب ولا عايز مبررات
لو حد كان شاري بجد يعني مكانش باع زمان
