ايام بتجرح فيا
و سنين عمري معديه
مخنوق دمعتي ف عنيا
كله سابني وحيد
الناس وحشه و مؤذيه
اتداس قلبي النفسيه
مش حمل عذاب و قسيه
اصل جرحي شديد
يا ضهري متنحنيش خليك ثابت
اصل ف وقوعي مين هيساند
شايل ف هموم لكن ساكت
ربي بقا يعني
كاسات احزان و ملياها دموعي
و ناس بيخططوا وقوعي
مفيش ولا فرصه لرجوعي
انسوا انكم مني
اللي ضاع مني نسيته
محذوف من عقلي نهيته
و خلاص قلبي انا قسيته
قابلو ف الجحدان
ما انا لما وقعت ناديتكوا
لكن ولا مره لقيتكوا
غلطان اوي لما ماشيتكوا
دا انتوا ناس اندال
سلامي علي قالي انا باقيلك
شاطر و عجبني تمثيلك
بجد شابو لتغفيلك
ابهرني اسلوبك
ضحكت عليا قولت انت زميلي
عملت انك بتوفيلي
حقنت السم ف وريدي
ظهرتلي انا عيوبك
مبقتش بحبك ولا عايزك
و خلاص من بالي انا شايلك
ما انا عايش مبسوط من بعدك
ايوا هحزن ليه
دا انا ياما ضحيت علشانك
و مكاني كان هو مكانك
ليه تبيعي فين بس حنانك
اللي قولتي عليه
بعدتي و سيبتي جرح كبير ليا
و قولتي العيب دا كان فيا
وصلتي لحاجه بعديا
لسه انتي ف مكانك
مريضه بحب نفسك انانيه
و خدتي الحب تسليه
خلاص من عقلي منسيه
روحي يلا شوفي حالك
احزان مكتومه جوايا
و جراح ولا ليها نهايه
العين واخده علي بكايا
من وجع قلبي
مبقتش عارف انا مالي
مهموم ايه اللي جرالي
تايه متدمر حالي
طيبتي كانت ذنبي
يا قطر الموت دا امتي هييجي دوري
م الوحده انا قتلت شعوري
لأمتي هعد ف همومي
مش عارف احسبها
دا كل ما اعدي جرح بلاقي تاني
مريض و الوحده قتلاني
يا نفسي انسي اللي قساني
دا انا مت و النعمه
